Almatda arty atysqa ūlasyp, bes adamnyŋ qazasyna sebep bolǧan bank pen boryşker arasyndaǧy dauly üidıŋ nege tym arzan baǧaǧa satylǧany turaly Almaty qalalyq soty tüsınıkteme berdı, dep habardaidy “Adyrna” ūlttyq portaly Express Qazaqstan.saityna sılteme jasap.
Qalalyq sottaǧylardyŋ aituynşa, auksionǧa qoiylǧan üidı satu kezınde ūsynylǧan baǧaǧa satyp aluşy şyqpaǧan.
"Bastapqyda kepılge qoiylǧan nysan 184 million teŋgege baǧalandy. Bıraq būl naryqtaǧy baǧa emes. Būl — käsıbi baǧalauşynyŋ subektivtı baǧasy. Mūndai baǧalau auksionda satudyŋ bastapqy baǧasyn belgıleu üşın qajet. Nysannyŋ naryqtyq baǧasy auksionda anyqtalady jäne satyp aluşylardyŋ sūranysyna bailanysty. Nätijesınde İgor Dujnov pen Alaid Demirchiannyŋ kommersiialyq jyljymaityn mülkın bank ūsynǧannan joǧary baǧaǧa satyp aluşy tabylmady (96 million teŋge). Boryşkerlerdıŋ özı kommersiialyq nysandy auksionda satuǧa narazylyq bıldırgen joq. Iаǧni olar auksion aiaqtalǧandaǧy baǧamen kelısken", — dep tolyqtyrdy qalalyq sot ökılı.Sonymen qatar, sottaǧylardyŋ aituynşa boryşkerler kepılıdıkke qoiǧan nysandaryn özderı satylymǧa şyǧaryp satuǧa qūqylary bolǧan. Alaida olar būl mümkındıkterın paidalanbaǧan.
"Zaŋ boiynşa, Dujnov pen Demirchian kepılge qoiǧan mülıkterın özderı satyp, bankpen esep aiyrysularyna bolar edı. Alaida olar būl qūqyqty paidalanbady. Qaryzdy qaitaru turaly sot şeşımı üş jyl ışınde (2017 jylǧa deiın) oryndalmai qala berdı. Eger boryşker qaryzdy qaitarmasa, onda zaŋ boiynşa sot şeşımı mäjbürlı türde oryndalady. Ol üşın sot oryndauşysy kepılge qoiylǧan nysandy elektrondy auksionǧa qoiady", — dep jauap berdı Sottyŋ ökılı.
Ūqsas jaŋalyqtar
