Memleket basşysy Maŋǧystau oblysyna jūmys sapary barysynda «Oimaşy» poligonynda ötken «Otpantau-2021» şūǧyl-strategiialyq komandalyq-ştabtyq äskeri oqu-jattyǧu jiynyna bardy, dep habarlaidy «Adyrna» tılşısı Aqordaǧa sılteme jasap.
Joǧarǧy Bas qolbasşy oqu-jattyǧu jiyndary elımızdıŋ ärtürlı öŋırınde ornalasqan jetı oqu-jattyǧu poligonynda jäne Kaspii aidynynda ötkenın atap öttı. Jalpy oqu-jattyǧu jiyndary şyǧystan batysqa qarai üş myŋ şaqyrym aumaqty qamtydy.
– Jeke qūram men tehnikany öz jürısterımen, temırjol jäne äue qatynastary arqyly jyljytu jūmystary pysyqtaldy. Būl Qaruly Küşterdıŋ strategiialyq ūtqyrlyǧyn, qauıp töndıretın negızgı baǧyttar boiynşa äskeri toptardy jedel qūru mümkındıgın körsettı. Ştabtardyŋ şūǧyl jaǧdailar kezındegı üilesımdı jūmysyn, joǧary tehnologiialy qarular men äskeri ıs-qimyldardy josparlau ädıstemelerınıŋ qoldanyluyn kördık. Äkımdıkterdıŋ de daiyndyq deŋgeiınıŋ joǧarylaǧanyna kuä boldyq. Qazırgıdei «stress-testıleu» kezınde olardyŋ rölı äskeri qūramdardan kem tüspeidı, – dedı Qasym-Jomart Toqaev.Ol äskeri qyzmetşılerge keşendı äleumettık qoldau körsetu mäselelerıne de toqtaldy.
– Qarjylandyru mäselesı kezeŋ-kezeŋımen artyp keledı. Biyldan bastap äskeri qyzmetşılerdıŋ lauazymdyq eŋbekaqylary 35 paiyzǧa östı. Aldaǧy ekı jylda ortaşa eseppen 60 paiyzǧa joǧarylaidy. Barlyq sanattaǧy äskeri qyzmetşıler üşın tūrǧyn üi mäselesı zaŋnamalyq tūrǧydan şeşılgen. TMD-nyŋ basqa elderıne qaraǧanda qazaqstandyq äskerdıŋ äleumettık toptamasy – bäsekege qabılettı. Äskeri qyzmetşılerdı äleumettık qorǧau mäselesı ärdaiym memleket basymdyq beretın salalardyŋ qatarynda bolady. Küştı äsker – quatty egemen Qazaqstannyŋ kepılı, – dedı Prezident.
«Adyrna» ūlttyq portaly
Ūqsas jaŋalyqtar
