Memleket basşysy Qasym-Jomart Toqaevtyŋ Maŋǧystau oblysyna jūmys sapary öŋırdıŋ äleumettık-ekonomikalyq damuy jönınde keŋes ötkızuden bastaldy dep habarlaidy "Adyrna" ūlttyq portaly "akorda.kz-ke" sılteme jasap.
Prezident öz sözınde Qazaqstandy ekonomikalyq jäne ruhani-mädeni tūrǧydan damytuda öŋırdıŋ rölı zor ekenın atap öttı.
– 30 jylda būl ölkege 7 trillion teŋgeden astam investisiia tartyldy. Aimaqtaǧy önerkäsıp öndırısınıŋ kölemı 2 esege, iaǧni 3,5 paiyzdan 8 paiyzǧa deiın artty. Oblys öŋırlık jalpy önım deŋgeiı boiynşa aldyŋǧy qatardaǧy bestıkke kıredı. Elımızdıŋ toraptyq kölık-logistika ortalyǧy osynda ornalasqan. Aqtau jäne Qūryq ailaqtary – Qazaqstannyŋ teŋızge şyǧatyn qaqpasy. Täuelsızdık kezeŋınde oblysta 11,3 million şarşy metr tūrǧyn üi paidalanuǧa berıldı. 78 mektep, 334 balabaqşa salyndy, – dedı Qasym-Jomart Toqaev.
Sonymen qatar Prezident aimaqta jyldam şeşudı qajet etetın bırqatar qordalanǧan mäsele bar ekenıne nazar audardy. Atap aitqanda, Memleket basşysy oblysta eŋbek daulary örşıp tūrǧanyn erekşe atap öttı.– Jyl basynan berı öŋırde osyndai 150 dau tuyndady. Bärı zaŋ aiasynda şeşıluge tiıs. Jaŋaözende tūraqty jūmys ısteitın Vedomstvoaralyq ştab qūru qajet. Oǧan memlekettık organdar men «Samūryq-Qazyna» belsene qatysuy kerek. Būl ştab şūǧyl şeşım qabyldauǧa jäne halyqpen tyǧyz qatynas ornatuy qajet, – dedı Prezident.
Memleket basşysy oblysta jūmyssyzdyq mäselesınıŋ uşyǧyp tūrǧanyna män berıp, jergılıktı jūrttyŋ jūmys tappai jürgenın, al merdıgerlerdıŋ basqa jaqtan eŋbek küşın tartatynyn aitty. Qasym-Jomart Toqaev äkımdık pen «Samūryq-Qazyna» qoryna, eŋ aldymen, öŋırdıŋ jergılıktı tūrǧyndaryn jūmyspen qamtuǧa basa män berudı tapsyrdy.Prezident infliasiia deŋgeiınıŋ joǧary ekenın jäne azyq-tülık tauarlarynyŋ baǧasy tez qymbattap jara jatqanyn kelesı bır maŋyzdy mäsele retınde atap ötıp, atalǧan problemany şeşu qajettıgın aitty. Memleket basşysy 2025 jylǧa qarai suǧa degen sūranys arta tüsetınıne toqtaldy. Aqtau qalasyn sumen qamtamasyz etuge qatysty būl mäselenı şeşu üşın Memleket basşysy Ükımet pen öŋır äkımdıgıne «MAEK-Qazatomönerkäsıp» keşenın jaŋǧyrtu jönındegı ıs-şaralardyŋ şūǧyl josparyn äzırleudı tapsyrdy. Qasym-Jomart Toqaev şeneunıkterdıŋ bılıksızdıgınen «Kaspii» su tūşytu zauytynyŋ quatyn arttyru jobasynyŋ jüzege asyryluy sozbalaŋǧa salynyp ketkenın jäne jobanyŋ qūny köterılgenın synǧa aldy. Prezident jyl soŋyna deiın atalǧan jobany aiaqtaudy tapsyrdy.
Būdan bölek Qasym-Jomart Toqaev mūnai ken oryndarynyŋ bırte-bırte tozuyna, 2030 jylǧa qarai öndırıletın mūnaidyŋ azaiuyna bailanysty problemany da qozǧady. Atalǧan mäselenı şeşu üşın Prezident geologiialyq barlau jäne jaŋa ken oryndaryn ızdeu baǧytyna belsendı türde investisiia tartuǧa şaqyrdy. Būl jūmystardy atqaru barysynda jyl soŋyna deiın qūrylatyn Ūlttyq geologiialyq qyzmet maŋyzdy röl atqaruǧa tiıs.Memleket basşysy mūnai-gaz salasyn odan ärı damytu, sonyŋ ışınde öŋırdegı jaŋa ken oryndaryn igeru mäselesın köterdı. Osy rette, Memleket basşysy jalpy qūny şamamen 5 milliard dollar bolatyn «Qalamqas teŋız» jäne «Hazar» ırı ken oryndaryn igeru jūmystaryn bastau jönındegı şeşımın eske saldy. Prezident ken oryndaryn igeru jūmystaryna jergılıktı kompaniialar men kadrlardy barynşa tartudyŋ maŋyzdy ekenın atap öttı.
Sonymen qatar Memleket basşysy Aqtau qalasyn kögaldandyru jūmystaryn sapaly ūiymdastyrudy talap etıp, oblys äkımıne aǧaş otyrǧyzu mäselesın şeşudı tapsyrdy.Būdan bölek Prezident jergılıktı ekologiialyq problemalarǧa, sonyŋ ışınde «Qoşqar Ata» qaldyqtar qoimasyna qatysty mäselege toqtaldy. Memleket basşysy Ükımet pen oblys äkımdıgıne üş jyl merzım ışınde qaldyq qoimasyn qaita qalpyna keltırudı jäne qaldyq jinalatyn tolyq infraqūrylym qalyptastyrudy, sondai-aq qatty tūrmys qaldyqtaryn normativtı talaptarǧa sai öŋdeu jūmystaryn tolyq aiaqtaudy tapsyrdy. Qasym-Jomart Toqaev öŋırdegı kölık-tranzit äleuetın damytudy taǧy bır maŋyzdy mındet retınde atady. Būl rette elımızdıŋ teŋız porty arqyly ötetın transkaspii multimodaldı halyqaralyq jolynyŋ maŋyzy arta tüsedı. Osyǧan orai Memleket basşysy Ükımetke Aqtau jäne Qūryq porttarynyŋ bazasynda konteinerlık hab qūruǧa jäne Qytaidan keletın eksporttyq jükterdıŋ bır bölıgın qaita baǧyttauǧa tapsyrma berdı.
Sonymen qatar Memleket basşysy Beineu-Şalqar avtojolynyŋ qūrylysy Maŋǧystau oblysynyŋ kölıktık-logistikalyq äleuetın arttyruǧa septıgın tigızedı dep atap ötıp, Ükımetke tiıstı jobalyq-smetalyq qūjattamany äzırleudı jedeldetudı tapsyrdy.Prezident sözınıŋ soŋynda köterılgen mäselelerdı şeşu üşın Ükımet pen oblys äkımdıgıne ekı aptanyŋ ışınde Öŋırdı damytudyŋ keşendı josparyn bekıtudı tapsyrdy. Jiyn barysynda Maŋǧystau oblysynyŋ äkımı Nūrlan Noǧaev, Premer-Ministrdıŋ orynbasary Roman Skliar jäne «Samūryq-Qazyna» Ūlttyq äl-auqat qory» aksionerlık qoǧamynyŋ basqarma töraǧasy Almasadam Sätqaliev baiandama jasady.
"Adyrna" ūlttyq portaly.
Ūqsas jaŋalyqtar
