Bügınnen bastap Qazaqstanda toi ötkızuge rūqsat berıldı. Premer-ministrdıŋ orynbasary Eraly Toǧjanov toiǧa rūqsat berudıŋ sebebın tüsındırıp berdı, dep habarlaidy "Adyrna" ūlttyq portaly.
- Elımızde bırqatar ıs-şaralardy ötkızuge rūqsat berdık, bıraq qataŋ şarttary bar. Bırınşıden, şaraǧa qatysuşylardyŋ Ashyq-ta "jasyl" märtebesı boluy kerek. Bız epidemiologiialyq jaǧdaidy eskere otyryp, bırtındep qalypty ömırge oraluymyz kerek. Saltanatty şaralardyŋ ötkızuge rūqsat beru - būl tek toi-tomalaq ötkızuge ǧana qatysty emes. Bırınşı kezekte mäsele şaǧyn jäne orta biznestı qoldau töŋıregınde bolyp otyr. Al rūqsat berılıp tūrsa, jalpy Qazaqstan boiynşa barlyǧy toi ötkıze alady degen söz emes. Koronavirusty baqylau mındetı alynyp tastalǧan joq. Elımızde saltanatty ıs-şaralardy ötkızu qataŋ baqylauda bolatynyn eske salǧym keledı. Qazaqstanda KVİ-dıŋ taraluyn baqylau men toqtatu şaralary kün tärtıbınen tüspeidı, - dedı Eraly Toǧjanov Ükımet üiınde ötken brifingte.Onyŋ aituynşa, apta saiyn sanitarlyq-epidemiologiialyq jaǧdai zerdelenedı, sanitarlyq talaptarǧa sai kelmeitın toilardy anyqtau şaralary jalǧasa beredı. Aita ketsek, 27 qyrküiekten bastap saltanatty, eske alu jäne otbasylyq şaralardy (banket, üilenu toiy, mereitoi) ötkızuge rūqsat berıldı. "Jasyl" aimaqta tūrǧan öŋırlerde zal 50%-ǧa deiın ǧana toluy kerek, 100 orynnan aspauy şart. "Sary" aimaqta da 50%-ǧa deiın, 70 orynnan aspauǧa tiıs. "Qyzyl" aimaqta 50%-ǧa deiın, 50 orynnan aspauy kerek. Sonymen qatar forumdar, körmeler, marafondar ötkızuge bolady.
"Adyrna" ūlttyq portaly
