Qazaqstandaǧy ört saldarynan Fransiiaǧa qaraǧanda 27 ese köp adam qaza tapqan. Mūndai statistikany QR tötenşe jaǧdailar ministrı Iýrii İlin ükımet otyrysynda ūsyndy, dep habarlaidy “Adyrna” ūlttyq portaly.
«Eger Qazaqstan Respublikasynda ärbır 36 örtte adam ölımı tırkelse, AQŞ -ta būl körsetkış 10 ese az, 360 örtte bır adam, Ūlybritaniiada 14 ese, Fransiiada 27 ese, - dedı İlin.
Onyŋ aituynşa, Qazaqstanda jyl basynan berı 7515 ört tırkeldı, 251 adam qaitys boldy, 217 küiık pen är türlı därejedegı ulanu esepke alyndy. 2020 jyldyŋ säikes kezeŋımen salystyrǧanda ölım sany 20%-ǧa, jaraqat alǧandar 18%-ǧa östı. Būl rette örttıŋ jalpy sany 7%-ǧa azaidy.
Sondai -aq, İlinnıŋ esebıne säikes, biyl tūrǧyn üi sektorynda 4371 -den astam ört bolǧan. Būl örttıŋ jalpy sanynyŋ 58%-yn qūraidy.
Eŋ qiyn jaǧdailar-Soltüstık Qazaqstan, Aqmola, Şyǧys Qazaqstan jäne Qostanai oblystarynda tırkeldı. Onda ört pen ölım sany respublikalyq körsetkışten 2-3 esegk asyp tüsedı.
«Ǧylymi zertteuler boiynşa, ört jaǧdailaryndaǧy adam ölımı ädette, ol sol jerdeü şyqqannan keiın 5-6 minut ışınde bolady»,-dedı ministr.
Jauap beru uaqytyn qysqartu üşın, İlin atqarylyp jatqan jūmystar retın atady. Örtke qarsy qyzmet obektılerınıŋ jelılerın keŋeitılıp jatqandyǧyn, 18 örtke qarsy qyzmet obektılerın saludy jalǧastyrudy - olardyŋ üşeuı respublikalyq biudjet esebınen, 15-ı äkımdıkten ekenın habarlady. Respublikalyq biudjetten jalpy qūny 2,4 mlrd teŋge bölıngen.
Ötken aptada elordada «Qazaqmys» ǧimaratynyŋ töbesı örtke orandy. Sondai-aq,tūrǧyn üi keşenderınıŋ bırınde tütın tırkeldı. Almatydaǧy baraholkada da ört boldy.
Bır apta būryn Almatyda ülken ört qalanyŋ tarihi audanyndaǧy üidı şarpyǧan bolatyn.
“Adyrna” ūlttyq portaly
