QR Eŋbek jäne halyqty äleumettık qorǧau vise-ministrı Erlan Äukenov QR Prezidentı janyndaǧy Ortalyq kommunikasiialar qyzmetınde ötken brifingte Senat qabyldaǧan «Qazaqstan Respublikasynyŋ keibır zaŋnamalyq aktılerıne azamattardyŋ jekelegen sanattaryn äleumettık qorǧau mäselelerı boiynşa özgerıster men tolyqtyrular engızu turaly» zaŋda közdelgen äleumettık qamsyzdandyru jüiesındegı jaŋalyqtar turaly aitty, dep habarlaidy «Adyrna» tılşısı ministrlıktıŋ baspasöz qyzmetıne sılteme jasap.
Öz sözınıŋ basynda ol būl zaŋ mügedektıgı bar adamdardyŋ qūqyqtaryn qamtamasyz etu jäne tūrmys sapasyn jaqsartu jönındegı 2025 jylǧa deiıngı ūlttyq jospardy oryndau şeŋberınde mügedektıgı bar adamdar, mügedektıgı bar balalardy tärbielep otyrǧan otbasylar, eŋbek ardagerlerı jäne özge de sanattardy qosa alǧanda, azamattardyŋ jekelegen sanattaryn äleumettık qorǧau mäselelerı jönındegı zaŋnamany jetıldıru maqsatynda äzırlengenın atap öttı.
Äukenovtıŋ aituynşa, qūjatta mügedektıktıŋ sebebıne qaramastan, I toptaǧy mügedektıgı bar adamdarǧa kütım jasaityn azamattarǧa berıletın järdemaqyny engızu qarastyrylǧan.
«Qazırgı uaqytta I toptaǧy mügedektıgı bar 66 myŋ adamnyŋ ärbır üşınşısı kütım järdemaqysymen de, jeke kömekşınıŋ qyzmetterımen de qamtamasyz etılmegen. Zaŋdy qabyldau nätijesınde syrtqy qamqorlyqqa mūqtaj 24 myŋ adam kütım boiynşa järdemaqymen qosymşa qamtylady», – dedı vise-ministr.Bala densaulyǧynyŋ būzylu jäne tırşılık äreketınıŋ şektelu därejesın eskere otyryp, zaŋda 7 jastan 16 jasqa deiıngı balalardy mügedektık toptary boiynşa bölu közdeledı. Būl şara körsetıletın oŋaltu ıs-şaralary men äleumettık kömektı, onyŋ ışınde balalar auruynyŋ därejesıne qarai järdemaqylardyŋ mölşerı bölıgınde saralauǧa mümkındık beredı. Sondai-aq, zaŋda mügedektık boiynşa jäne asyrauşydan aiyrylu jaǧdaiy boiynşa järdemaqylardy bır mezgılde alu qūqyǧyn beru közdeledı. Būl asyrauşysynan aiyrylǧan jäne qūramynda mügedektıgı bar balalary bar otbasylardyŋ tabys deŋgeiın arttyruǧa mümkındık beredı.
«Qazırgı uaqytta mügedektıgı bar balalar ata-analary ajyrasqan kezde bır mezgılde alimentter men mügedektıgı boiynşa järdemaqy ala alady. Sondai-aq, ata-anasynyŋ bıreuı nemese ekeuı (asyrauşysy) qaitys bolǧan jaǧdaida, bala mügedektıgı boiynşa järdemaqy nemese asyrauşysynan aiyrylu boiynşa järdemaqy ala alady. Osy norma engızılgen jaǧdaida 2 myŋ bala mügedektıgı boiynşa järdemaqymen qatar (mölşerı 41 163 – ten 48 023 teŋgege deiın) asyrauşysynan aiyrylu jaǧdaiy boiynşa järdemaqyny ala alady (mölşerı 12 063-ten 29 500 teŋgege deiın)», – dep tüsındırdı Erlan Äukenov.
«Adyrna» ūlttyq portaly
