Qūlaqqaptyŋ paida bolu tarihy

Bügınde ömırımızdı qūlaqqapsyz elestetu qiyn. Qorşaǧan ortadan alystatyp, öz älemıne enuge mümkındık beretın būl qūraldy bärımız paidalanamyz. Al sız onyŋ şyǧu tarihyn bılesız be? XIX ǧasyr – qūlaqqap tarihynyŋ bastauy Qūlaqqaptyŋ paida boluy akustikalyq terbelısterdı şyǧaratyn alǧaşqy qūrylǧynyŋ jaryqqa şyǧuymen tyǧyz bailanysty. XIX ǧasyrdyŋ soŋynda telefon stansiialary jūmysyn bastady. Būl jerlerde qyzmet atqaratyn operatorlar bırneşe saǧat boiy salmaǧy üş kilogramǧa jetetın dybys taratqyş pen qabyldaǧyşty ūstap tūruǧa mäjbür edı. Tyǧyryqtan şyǧu maqsatynda kompaniia kömekşısı Bella Ezra Djillilend telefon garniturasynyŋ prototipıne ainalǧan arnaiy bekıtkıştı oilap tabady. Nataniel Bolduin – qūlaqqaptyŋ atasy Qūrylǧynyŋ tarihy erte kezden bastalǧanymen, onyŋ atasy amerikalyq  Nataniel Bolduin. Iýta ştatynyŋ tumasy 1910 jyly as üiınde qūlaqqaptyŋ jetıldırılgen modelın jasap şyǧarady. Onyŋ önertabysy jappai tūtynuşynyŋ qūralyna ainalmai tūryp, äskeri salada synaqtan ötken. Jürgızılgen zertteu jūmystary tehnikanyŋ basqa analogtardan ekı ese sezımtal ekenın anyqtady. Bırneşe jyldan keiın Bolduin ūsynǧan model barlyq äskeri-teŋız operatorynyŋ negızgı bailanys qūralyna ainaldy. Radio jäne qūlaqqap Qūlaqaptar 1920 jyly radio qabyldaǧyştardy tyŋdau üşın qoldanyla bastady. Däl osy uaqytta ol erekşe sūranysqa ie bolǧan edı. Amerika ükımetı «Är üige radio» baǧdarlamasyn jürgızıp, qūraldyŋ tanyluyna septıgın tigızdı. Muzykalyq qūlaqqaptar HH ǧasyrdyŋ bırınşı jartysynda qūlaqqappen muzyka tyŋdau mümkın emes edı. Jas şved önertapqyşy Oigen Baier jaǧdaidy özgertuge tyrysyp, qūlaqqap pen mikrofon şyǧaratyn firmany qūrdy. Ol 1937 jyly qūrylǧynyŋ dybys sapasyn jaqsartyp, ännıŋ tek ışkı arna boiynşa oinauyna qol jetkızdı. Alaida önım tek 50-şı jyldardyŋ ortasynda tanymal bola bastady. Muzyka äuesqoilary stereo nūsqasy paida bolǧan kezde ǧana qūrylǧyǧa män berıp, nazar audardy. Sennheiser jäne alǧaşqy aşyq qūlaqqaptar 1968 jylǧa deiın qoldanysta jabyq qūlaqqaptar ǧana bolǧan edı. Aşyq qūlaqqaptardy jasaudaǧy alǧaşqy täjıribe osy tehnologiiany patenttegen Sennheiser kompaniiasyna ülken paida äkeldı. Qūrylǧy muzyka tyŋdau kezınde ainalada ne bolyp jatqanyn baqylauǧa mümkındık berdı. Keiınnen Sennheiser brendı osy salada bırneşe ret innovasiialyq şeşım ūsyndy. Atap aitsaq, 1977 jyly kompaniia älemdegı alǧaşqy Unipolar 2000 elektrlık qūlaqqaptaryn şyǧardy. Olar jauap beru jyldamdyǧymen jäne dybystyŋ  naqtylyǧymen erekşelendı. 1998 jyly paidalanuşylar stetoskop türınde jasalǧan RS 2400 qūlaqqaptarynyŋ artyqşylyqtaryn erekşe baǧalady. Symsyz qūrylǧylar däuırınıŋ bastaluy 90-jyldardyŋ basynda qūlaqqaptardyŋ symsyz modelderı paida boldy. Koss ūsynǧan qūrylǧy dybys közıne nemese küşeitkışke infraqyzyl säulenı paidalanyp, jinaqtalǧan prefiks arqyly jūmys ıstedı. Oinatqyşqa qosylu üşın symdardy qajet etpeitın önımnıŋ nūsqasyn Recoton ūsyndy. Būl qūrylǧy 900 MGs jiılıkte 45 m radiusta qyzmet ettı.  Uaqyt öte kele Ūlybritaniia ükımetı önımdı öndıruge rūqsat beruden bas tartty. Sol sebeptı 1998 jyly Bluetooth tehnologiiasy ömırge keldı. Al 2004 jyly Bluetake I-Phono bt420ex qūlaqqaptary naryqqa öz taratqyşymen şyǧaryldy. Taǧy bır jyldan keiın Wi-Fi tehnologiiasy negızınde jūmys ısteitın modelder qoldanysqa endı. Quaty 5 saǧatqa jetetın AirPods symsyz qūlaqqaptaryn Apple korporasiiasy ūsyndy. Ol 2016 jyldyŋ 7 qyrküiegınde iPhone 7 jäne Apple Watch Series 2-men bırge tanystyryldy. Telefonǧa Bluetooth arqyly qosylady. Būl qūrylǧy qazırgı taŋda erekşe sūranysqa ie. Tarih mūnymen aiaqtalǧan joq. Jyl saiyn jaŋa modelder jasalyp, eskılerı jetıldırılu üstınde. Aldaǧy uaqytta önertapqyştardyŋ bızdı älı talai taŋǧaldyrary sözsız.