Almaty oblysynyŋ tumasy Däuren Säbitov nebärı 22 jasynda Amerikanyŋ eŋ alyp äuekompaniialarynyŋ bırınde ūşqyş-instruktor bolyp jūmys ısteidı. Ol bügınge deiın 900 saǧat ūşqan dep habarlaidy "Adyrna" ūlttyq portaly "Tengrinews.kz-ke" sılteme jasap.
Onyŋ aituynşa, AQŞ-ta ūşqyştyŋ därejesın mil ne şaqyrym emes, saǧat anyqtaidy.
"Pilot esebınde 900 saǧat ūşyppyn. Būl jūmysqa şyqqan uaqytym emes, äuedegı esep. Basqa elderde 900 saǧat ūşuǧa 10-15 jylyŋdy sarp etuıŋ mümkın, bıraq tek Amerikada emes. Mūnda jasyŋa, dınıŋe, näsılıŋe qaramaidy, basty talap - bılıgıŋ men jauapkerşılık", - deidı ol.
"Basqa salany bılmedım, bıraq, ūşqyş bolamyn degen adam kündelıktı öz bılıgın arttyryp otyruy şart. Bügınde Standord Flying ūşqyştar mektebınde qosymşa bılım alyp jürmın. Aptasyna bırneşe ret oquǧa jaŋa tüsken studentterge därıs oqyp, olardyŋ praktikalyq jūmystaryn jürgızemın", - deidı Däuren.
Däuren 1999 jyly qazaqtyŋ qarapaiym otbasynda tuǧan. Bala kezınen ūşqyş boludy armandaǧan ol Almatydaǧy QTL-dy bıtırıp, bırden Amerikaǧa jol tartady. Däuren Säbitovtıŋ äkesı de ūşqyş. Bala Däurennıŋ mamandyq taŋdauyna äkesı Ǧalym zor yqpal etken."2017 jyly mektepte bırge oqyǧan synyptastarymmen bır uaqytta AQŞ-taǧy Kaliforniia ştatynyŋ San-Mateo qalasyna keldık. Dostarymnyŋ arasynda men ǧana aviasiiany taŋdadym. Äkem köp jyldan berı aviasiia salasynda jūmys ıstep keledı. 5 jasymda alǧaş ret özınıŋ jūmys ornyna aparǧany esımnen ketpeidı. Öz közımmen alyp ūşaqtardy, olardyŋ arnaiy daiyndyqtan ötu prosesın sol kezde bırınşı ret körsem kerek. Tıptı, äkemmen bırneşe ret ūşqan kezderım de boldy. Ūşqyştardyŋ kabinasynan ǧana baiqauǧa bolatyn äuedegı körınıs, künnıŋ şyǧuy men batuy menı bırden baurap aldy. Qysqa qaiyrǧanda, bolaşaqta kım bolatynymdy 5 jasymda-aq bıldım ǧoi", - deidı ol.
Qazır ol Standord Flying arnaiy oqu ornynda bılımın jetıldırıp, joǧary sanatty sertifikat aluǧa daiyndalyp jür.
"Basqa salany bılmedım, bıraq, ūşqyş bolamyn degen adam kündelıktı öz bılıgın arttyryp otyruy şart. Bügınde Standord Flying ūşqyştar mektebınde qosymşa bılım alyp jürmın. Aptasyna bırneşe ret oquǧa jaŋa tüsken studentterge därıs oqyp, olardyŋ praktikalyq jūmystaryn jürgızemın", - deidı Däuren.
Onyŋ aituynşa, Amerikadaǧy ūşqyştardy daiarlaityn oqu oryndarynyŋ baǧasy Qazaqstanmen bırdei."Qazır California Airways korporasiiasynda ūşqyş-instruktor bolyp jūmys ısteimın. Bekıtılgen kestege sai reisterge şyǧamyn, sondai-aq aldyn ala ūşaqty testıleu jūmysyna qatysamyn. Bastapqyda talap joǧary bolyp, üirenıse almai jür edım, bıraq qazır özımdı būl kompaniiasyz elestete almaimyn", - deidı jas ūşqyş.
Sonymen qatar, Däuren jeke tapsyrys qabyldap, charterlık reisterdıŋ de tızgının ūstap jür. Ol AQŞ-ta ūşqyştardyŋ jalaqysy öte joǧary, qarjydan qysylyp jürgen adam joq ekenın aitady."Amerika ūşqyştardyŋ ailyǧyn aiamai töleidı. Menımen bırge jylyna 550 myŋ dollar tabatyn kısı jūmys ısteidı. Eŋ tömen degenderı 200-250 myŋ dollar töŋıregınde ailyq alady. Būl endı mamandardyŋ käsıbi bılıgıne jäne täjıribesıne bailanysty. 5 jyldan keiın menıŋ de sonşalyqty qarajat tabuǧa mümkındıgım bar. Al bızdıŋ eldegı äuekompaniialardyŋ deŋgeiıne kelsek, qalaaralyq biletterdıŋ baǧasyn körıp, taŋǧaldym. Öte qymbat der edım. Tura sol baǧaǧa Europada basqa elderge ūşyp jatady. Al aviasiianyŋ özıne keletın bolsaq, Qazaqstanda ūşqyştardy daiyndaityn akademiialardy köbeitu kerek. Tek oqytyp qoimai, universitetten keiın täjıribeden tegın ötkızse degen tılek bar", - deidı ol.
"Adyrna" ūlttyq portaly.
