Belgılı änşı Meruert Tüsıpbaeva özınıŋ instagram paraqşasynda Älıbidıŋ jaǧdaiy turaly söz qozǧap, post jazdy. Ol jas jıgıttıŋ taǧdyryna alaŋdap, būl turaly Ashat Maemirovpen söileskenın tılge tiek ettı dep habarlaidy "Adyrna" ūlttyq portaly.
"Jaŋa ǧana Ashat Maemirovpen söilestım…Älıbidıŋ kazırgı jaǧdaiy turaly naǧaşy äpkesı Qyrmyzy hanym post jazypty… Ashat myrza erteŋ Astanaǧa @abzalkuspan keledı, söilesıp, aqyldasamyz dedı. Qanşa tanymal adam bas qosyp, ädıldıkke jete almai qoidyq….Eŋ soŋǧy ret “Evraziia “ arnasynan Älıbige arnalǧan baǧdarlamany bır körsetken soŋ, közın qūrtqyzdy (qai dokei eken…) iutubqa salǧyzbapty.Endı ne ısteuge bolady?! Älıbige aittym, ana joly, şydamdy bol dep….Zorlanǧan- qorlanǧan adam joq!" — dedı (änşınıŋ jazbasyn eş özgerıssız berıp otyrmyz-red.) M.Tüsıpbaeva.
Būǧan deiın Meruert Tüsıpbaeva orazadan soŋ arnaiy baryp, Älıbidıŋ jaǧdaiyn öz közımen körıp qaitqanyn aitqan bolatyn. Jas jıgıttıŋ taǧdyryna bei-jai qarai almaǧan änşı ol turaly öz paraqşasyna da jazdy. Qazır de änşı talantty jastyŋ jaǧdaiyna alaŋdauşylyq bıldırıp otyr. Al Älıbidıŋ äpkesınıŋ aituynşa, Aqtaudan Qyzylordaǧa "köşırılgen" Älıbidı jaqynda üş jıgıt ūryp tastaǧan. Jaǧdaiy jaqsy emes.— Aqtauda 15 künge karantinge tüsken uaqytta üş jıgıt jabylyp, sabaǧan. Qyzylordaǧa köşırgen sebebı türme ǧimaraty apattyq jaǧdaida bolǧan soŋ sottalǧandardy är öŋırge bölgen. Sol kezde Älıbi Qyzylordaǧa jıberılgen. Karantinnen şyqqan soŋ endıgı jaǧdai mynau. Jıgıtter ūrǧanyn bız keş estıdık. Älıbi būl jaǧdaidy üidegı Aldiiar degen ınıme aitypty. Türmede otyr dep barlyq adam taiaq jei bere me? Älıbidıŋ tük kınäsı joq. Qazır onyŋ jaǧdaiyn bıle almai otyrmyz, qorqyp ömır sürıp jatyrmyz. Inımızdıŋ taǧdyry janymyzdy auyrtady, — deidı Älıbidıŋ äpkesı ınısın oilap. Aita ketu kerek, Älıbi — belgılı aktrisa, "qazaqtyŋ Qyz Jıbegı" atanǧan Meruert Ötekeşovanyŋ şäkırtı. Meruert Qarataiqyzy şäkırtınıŋ taǧdyryna alaŋdap, Elbasynyŋ qabyldauyna kıruge ūsynys tastapty. Endıgı ümıt — Elbasy men qoǧam janaşyrlarynda.
"Adyrna" ūlttyq portaly.
