Belgili ánshi Merýert Túsipbaeva óziniń ınstagram paraqshasynda Álibıdiń jaǵdaıy týraly sóz qozǵap, post jazdy. Ol jas jigittiń taǵdyryna alańdap, bul týraly Ashat Maemırovpen sóıleskenin tilge tıek etti dep habarlaıdy "Adyrna" ulttyq portaly.
"Jańa ǵana Ashat Maemırovpen sóılestim…Álibıdiń kazirgi jaǵdaıy týraly naǵashy ápkesi Qyrmyzy hanym post jazypty… Ashat myrza erteń Astanaǵa @abzalkuspan keledi, sóılesip, aqyldasamyz dedi. Qansha tanymal adam bas qosyp, ádildikke jete almaı qoıdyq….Eń sońǵy ret “Evrazııa “ arnasynan Álibıge arnalǵan baǵdarlamany bir kórsetken soń, kózin qurtqyzdy (qaı dokeı eken…) ıýtýbqa salǵyzbapty.Endi ne isteýge bolady?! Álibıge aıttym, ana joly, shydamdy bol dep….Zorlanǵan- qorlanǵan adam joq!" — dedi (ánshiniń jazbasyn esh ózgerissiz berip otyrmyz-red.) M.Túsipbaeva.
Buǵan deıin Merýert Túsipbaeva orazadan soń arnaıy baryp, Álibıdiń jaǵdaıyn óz kózimen kórip qaıtqanyn aıtqan bolatyn. Jas jigittiń taǵdyryna beı-jaı qaraı almaǵan ánshi ol týraly óz paraqshasyna da jazdy. Qazir de ánshi talantty jastyń jaǵdaıyna alańdaýshylyq bildirip otyr.
Al Álibıdiń ápkesiniń aıtýynsha, Aqtaýdan Qyzylordaǵa "kóshirilgen" Álibıdi jaqynda úsh jigit uryp tastaǵan. Jaǵdaıy jaqsy emes.
— Aqtaýda 15 kúnge karantınge túsken ýaqytta úsh jigit jabylyp, sabaǵan. Qyzylordaǵa kóshirgen sebebi túrme ǵımaraty apattyq jaǵdaıda bolǵan soń sottalǵandardy ár óńirge bólgen. Sol kezde Álibı Qyzylordaǵa jiberilgen. Karantınnen shyqqan soń endigi jaǵdaı mynaý. Jigitter urǵanyn biz kesh estidik. Álibı bul jaǵdaıdy úıdegi Aldııar degen inime aıtypty. Túrmede otyr dep barlyq adam taıaq jeı bere me? Álibıdiń túk kinási joq. Qazir onyń jaǵdaıyn bile almaı otyrmyz, qorqyp ómir súrip jatyrmyz. Inimizdiń taǵdyry janymyzdy aýyrtady, — deıdi Álibıdiń ápkesi inisin oılap.
Aıta ketý kerek, Álibı — belgili aktrısa, "qazaqtyń Qyz Jibegi" atanǵan Merýert Ótekeshovanyń shákirti. Merýert Qarataıqyzy shákirtiniń taǵdyryna alańdap, Elbasynyń qabyldaýyna kirýge usynys tastapty. Endigi úmit — Elbasy men qoǵam janashyrlarynda.
"Adyrna" ulttyq portaly.
