Qazırgı uaqytta elımızde ūlttyq halyq sanaǧy ötıp jatyr.
Memlekettıŋ ūzaq merzımdı damu strategiiasyn aiqyndaityn maŋyzdy nauqan 1 qyrküiek – 30 qazan aralyǧyn qamtidy. Onyŋ basty aiyrmaşylyǧy elektrondy formatta ūiymdastyrylatyndyǧynda.
Ūlttyq statistika biurosynyŋ Atyrau oblysy boiynşa departamentınıŋ basşysy Galia Mūhanǧalievanyŋ aituynşa, Ūlttyq halyq sanaǧy www.sanaq.gov.kz mamandandyrylǧan saitynda internet jelısı arqyly onlain rejimde ötkızılude. «Egov.kz» veb-portaly jäne «Aitu» mobildı qosymşasy arqyly da Ūlttyq halyq sanaǧynan ötu mümkındıkterı qarastyrylǧan.Sonyŋ ışınde, tūrǧyndardyŋ halyq sanaǧynan onlain rejimınde ötuın qamtamasyz etu maqsatynda, bügıngı künı Atyrau qalasy men audandar deŋgeiınde 90-nan astam nüktede «Halyq sanaǧynan öz betınşe ötu būryştary» qūryldy.Statistika departament basşysynyŋ tüsındıruınşe, jūmyspen qamtu ortalyqtarynan aqyly qoǧamdyq jūmysqa tartylǧan qyzmetkerler arnaiy oqu kursynan ötedı. Olar departamenttıŋ jauapty mamandarymen bırlesıp tūrǧyndar üşın konsultasiialyq kömek körsetedı. Bügınde oblys tūrǧyndary üşın halyq sanaǧynan onlain rejimde ötuge yŋǧaily jaǧdailar jasaqtalǧan. Azamattardan talap etıletını – osy mümkındıkterdı mült jıbermei, öz taraptarynan belsendılık tanytsa jetkılıktı.
- Mälımetterdı jinaqtau ekı ädıspen jüzege asyrylady. Onyŋ bırınşısı – mamandandyrylǧan sanaq.gov.kz saitynda virtualdy kömekşınıŋ järdemımen respondentterdıŋ tūrǧan ornyna qaramastan özdıgınen sanaqtan ötuı, iaǧni özı jäne otbasy müşelerı üşın sanaq paraqtaryn toltyruy. Bügıngı künı halyq sanaǧy osy ädıspen (ol 1 qyrküiek – 15 qazan aralyǧyn qamtidy) jüzege asyryluda.
- Ekınşısı – üi-jailardy dästürlı türde aralau(1-30 qazan aralyǧy). Mūnda interviuerler (sūhbattasuşylar) qoldaryndaǧy planşetterdı paidalanyp, respondentterge saual saluy arqyly elektrondy sanaq paraqtaryn toltyrady. Olar öz jūmystaryn (negızınen üilerdı aralau) sanauly künderden keiın bastaidy.
Osy rette qala tūrǧyndaryn alaiaqtardan saqtanuǧa şaqyramyz jäne mındettı türde tömendegıdei belgılerge nazar audarularyn sūraimyz: interviuerdı aiyryp tanu üşın olarǧa halyq sanaǧynyŋ logotipı beinelengen kök tüstı portfel, kök tüstı şarf jäne arnaiy kuälık berıledı. Sondai-aq, sūhbattasuşynyŋ qolynda mındettı türde planşet bolady. Al, körsetılgen merzımnen būryn üilerge sanaq ötkızuge adamdar kelse, onyŋ üstıne joǧaryda atalǧan aiyryp tanu belgılerı bolmasa, onda dereu qūqyq qorǧau organdaryna habarlasu qajet, – deidı statistika departamentınıŋ basşysy.Bügınde oblysta halyq sanaǧynan onlain rejimınde ötken tūrǧyndardyŋ sany 220 738 adamǧa jetken. Onyŋ 195 186-sy tıkelei sanaq.gov.kz saity arqyly, 21 552-sı egov.kz portaly jäne 4 000-y Aitu mobildı qosymşasy arqyly sanaq paraqtaryn toltyrǧan. Onlain rejimde sanaqtan ötkenderdıŋ eŋ köbı Atyrau qalasynda (95 845 adam) tırkelse, audandar arasynan Qūrmanǧazy (23 384 adam) men Jylyoi (22 083) köş bastap tūr. Al, tūrǧyndardy qamtu deŋgeiı jönınen Qyzylqoǧa, Maqat, İsatai audandary aldyŋǧy qatarda.
Oblys boiynşa körsetkış 33,24%-y qūrady.Onlain rejimınde sanaq jürgızu kezeŋınde halyqqa ūialy jäne stasionarlyq nömırlerden Call-ortalyqtyŋ «1446» tegın bıryŋǧai telefon nömırı arqyly sanaq mäselelerıne qatysty konsultasiia berıledı.
