Qazaqtyŋ igı dästürı boiynşa Atyrau qalasyndaǧy Nazarbaev Ziiatkerlık mektebınde saltanatty räsım şaşumen bastalyp, «Şell» mūnai-gaz kompaniiasy ornatqan kün stansiiasynyŋ displeiınde alǧaşqy sandar jügırdı.
Atyrau qalasyndaǧy NIS-te «Şell» mūnai-gaz kompaniiasy ornatqan kün stansiiasy paidalanuǧa berıldı. Būl NIS pen Şell arasyndaǧy «Kün energiiasy – mektepterge» bırlesken jobasynyŋ törtınşı fotoelektrlık jüiesı.
2018 jyldyŋ mamyr aiynda Astana ekonomikalyq forumy şeŋberınde Qazaqstan Respublikasynyŋ Energetika ministrlıgı, Astana qalasynyŋ äkımdıgı, «Nazarbaev Ziiatkerlık mektepterı» derbes bılım beru ūiymy jäne «Şell» kompaniiasy arasynda Memorandumǧa qol qoiyldy, onyŋ basty maqsaty «Kün energiiasy – mektepterge» pilottyq jobasyn ıske asyru bolyp tabylady.
Jobanyŋ resmi türde aşyluy 2018 jyly 1 jeltoqsanda NIS-tıŋ 10 jyldyǧyn toilau aiasynda Elbasy – Qazaqstan Respublikasynyŋ Tūŋǧyş Prezidentı Nūrsūltan Äbışūly Nazarbaevtyŋ qatysuymen öttı.
Qazırgı uaqytta kün fotoelektr jüielerı Nūr-Sūltan, Aqtau jäne Oral qalalarynyŋ Nazarbaev Ziiatkerlık mektepterınde ornatylǧan. Sondai-aq Türkıstan qalasyndaǧy jaŋa Ziiatkerlık mektepte kün stansiiasynyŋ qūrylysy josparlanuda.
Atyrau qalasyndaǧy Nazarbaev Ziiatkerlık mektebınıŋ aumaǧynda kün panelderınıŋ qūrylysy 2021 jyldyŋ mamyr aiynda bastaldy. Elektr stansiiasynyŋ jalpy ūzyndyǧy 73 metr bolsa, aldyŋǧy biıktıgı 4 metrge jetedı. Kün batareialarynyŋ tırekterı 13 blogqa bölıngen, olardyŋ arasynda sporttyq ıs-şaralar kezınde körermenderge yŋǧaily bolu üşın ekı satyly tribunalar ornatylǧan. Kün jüiesı mekteptıŋ jyldyq energiia şyǧynyn 30%-ǧa deiın qysqartuǧa mümkındık beredı.
«Kün energiiasy – mektepterge» jobasy jasyl ekonomikaǧa bırtındep köşuge jäne parniktık gazdardy qysqartuǧa, jaŋartylatyn energiia közderın damytuǧa baǧyttalǧan, sondai-aq oquşylardyŋ naqty ǧylymdardy (STEM) zertteuge qyzyǧuşylyǧyn arttyru jäne olardyŋ ekologiialyq mädenietın qalyptastyruǧa üles qosady.
Kün stansiiasyn Atyrau oblysy äkımınıŋ orynbasary Baqytgül Hamenova, «Nazarbaev Ziiatkerlık mektepterı» derbes bılım beru ūiymynyŋ Basqarma Töraiymy Küläş Şämşidinova, Qazaqstandaǧy «Şell» konsernınıŋ aǧa vise-prezidentı jäne töraǧasy Herman Burmeister ıske qosty.
– «Kün energiiasy – mektepterge» – būl ekologiialyq jäne bılım beru jobasy, ol jasyl ekonomikany keŋeituge, jaŋartylatyn energiia közderın engızuge, ekologiialyq mädeniettı qalyptastyruǧa jäne STEM-bılım berudı damytuǧa baǧyttalǧan. Jobany biznestıŋ äleumettık jauapkerşılıgı, sondai-aq energetikalyq jäne bılım beru kompaniialarynyŋ tabysty yntymaqtastyǧynyŋ ülgısı dep atauǧa bolady, - dedı «Nazarbaev Ziiatkerlık mektepterı» derbes bılım beru ūiymynyŋ Basqarma Töraiymy Küläş Şämşidinova.
Qazaqstandaǧy «Şell» konsernınıŋ aǧa vise-prezidentı jäne töraǧasy Herman Burmeister NIS-tıŋ joǧary synyp oquşylarymen kezdesuı barysynda jaŋartylatyn energiia közderı men kün stansiialaryn engızudegı basymdyqtar talqylandy. Oquşylardy bedeldı energetikalyq konsernnıŋ käsıbi ǧana emes, ömırlık tarihy da qyzyqtyrdy. Balalar nano jäne biotehnologiia salasyndaǧy ǧylymi jetıstıkterı men jaŋa önertabystaryn tanystyrdy, äsırese ekologiialyq baǧyttaǧy plastmassa jäne ösımdık qaldyqtaryn qaita öŋdeu jobalaryn ūsyndy.
Qazaqstandaǧy «Şell» konsernınıŋ aǧa vise-prezidentı jäne töraǧasy German Burmeister öz sözınde:
– Şirek ǧasyrdan astam uaqyt boiy «Şell» Qazaqstandaǧy energetikalyq jobalarǧa investisiia salyp keledı. Qazırgı kezde bız balamaly energiia közderın paidalanu jönındegı jobalardy ıske asyru arqyly Qazaqstannyŋ «jasyl ekonomikaǧa» köşuıne järdemdesu üşın küş-jıgerımızdı salyp jatyrmyz. Sondai-aq būl joba jaŋartylatyn energiia közderı salasyndaǧy qazaqstandyq kompaniialardyŋ mümkındıkterın jaqsarta otyryp, otandyq şaǧyn jäne orta biznestıŋ äleuetın arttyrady.
Herman Burmeisterdıŋ bastamasymen futboldan joldastyq match bastaldy, al alǧaşqy körermender kün panelderınıŋ astyndaǧy jaŋa tribunada janküier boldy.
"Adyrna" ūlttyq portaly
