2021 jylǧy 8 qazanda №603 «Arqalyq - Nūr-Sūltan» baǧytyndaǧy jolauşylar poiyzy Arqalyq stansiiasynan jöneltılgennen keiın er adam poiyz brigadasynyŋ qyzmetkerlerıne zaiybynyŋ tolǧaǧy kelıp qalǧanyn aitqan, dep habarlaidy «Adyrna» tılşısı «Qazaqstan temır joly» ŪQ» AQ baspasöz qyzmetıne sılteme jasap.
Törehan Äbdıraiymov bastaǧan poiyz brigadasy qyzmettık nūsqaulyqqa säikes äreketke köşıp, kelesı stansiiaǧa jedel järdem şaqyryldy. Temır jolda 8 jyldan astam uaqyt jūmys ısteitın, onyŋ ışınde 3 jyldan berı poiyz bastyǧy T.Äbdıraiymov mūndai jaǧdaimen bırınşı ret betpe-bet kelıp otyr eken. Därıgerler kelgenge deiın temırjolşylar äieldı bosanuǧa daiyndai bastady. Jolserıkter İrina Andreeva men Jaŋyl Batalova jolauşylar arasynan tabylǧan därıgerler Svetlana Aiapova (zeinettegı akuşer-ginekolog) jäne Gauhar Qoişyǧūlovanyŋ (emdeu ūiymynyŋ basşysy) nūsqauymen äreket jasady. Jüktı äieldı aman-esen bosandyru üşın vagonda barlyq qajettı jaǧdailar jasaldy jäne bıraz uaqyttan düniege qyz bala keldı.
Poiyz Derjavinsk beketıne jetkennen keiın jas ana Nūrailym Qūrmanaly men onyŋ şaqalaǧyn jolserıkter jedel järdem qyzmetkerlerıne tapsyrdy.
«Adyrna» ūlttyq portaly
