Bügın qoǧam belsendısı, ūltşyl-patriot Marǧūlan Boranbaidyŋ tuǧan künı.
Osy künde būl azamatymyz ūlttyqaralyq arazdyqty qozdyrdy degen aiyp taǧyluyna bailanysty tergeu izoliatorynda qamauda otyr.
TOMAǦA SAP, QYRANǦA TOR QŪRMAIYQ
Qūstar bolar totydai torǧa laiyq, Torǧa qamap qyrandy qor qylmaiyq. Ornyn baspaidy... Sūrqyltai salmaǧy joq, Sauysqan men qarǧany zor qylmaiyq.
Tomaǧa sap, qyranǧa tor qūrmaiyq, Qanatynan qaiyryp kem qylmaiyq. Zaŋǧar köktıŋ erkesın jerge jyǧyp. Qara niet qarǧaǧa jem qylmaiyq.
Qor qylmaiyq qyrandy, qor qylmaiyq, Qūzǧyn qyssa qyrǧiǧa zar bolmaiyq. Şaşyp jeitın qyrandy torǧa qamap, Basyp jeitın qarǧaǧa jem bolmaiyq.
Basqalarda qyran bar, kem bolmaiyq, Sardar bolar sūŋqardy torǧa qamap. Sauysqan men qarǧadan jasqanatyn Qyrany joq, qyrty köp El bolmaiyq!
Avtor: Mūqtarbek Tūrysbekūly,
"Adyrna" ūlttyq portaly
