Eŋbek jäne halyqty äleumettık qorǧau ministrlıgı 1 qazandaǧy jaǧdai boiynşa Qazaqstandaǧy zeinetaqy tölemderınıŋ ortaşa mölşerın atady, - dep habarlaidy “Adyrna” ūlttyq portaly vedomstvo saityna sılteme jasap.
2021 jylǧy qaŋtardan qyrküiekke deiın respublikalyq biudjetten bazalyq zeinetaqy töleuge şamamen 614,9 milliard teŋge, yntymaqty zeinetaqyǧa - 1 trillion 390,1 milliard teŋge jūmsalǧan.
"2021 jyly 1 qazandaǧy esep boiynşa zeinetkerler sany 2 mln 229 myŋnan astam boldy. 2021 jyly 1 qazanda zeinetaqy tölemderınıŋ ortaşa mölşerı (bazalyq zeinetaqy tölemın eskere otyryp) 99 887 teŋgege jettı", - delıngen habarlamada.
Vedomstvoda 2018 jyly 1 şıldeden bastap memlekettık bazalyq zeinetaqy tölemı är zeinetkerdıŋ zeinetaqy jüiesıne qatysu ötılın eskere otyryp, jeke taǧaiyndalatyny aityldy. Zeinetaqy jüiesıne qatysu ötılıne 1998 jyly 1 qaŋtardaǧy jaǧdai boiynşa yntymaqty jüiede jinalǧan eŋbek ötılı, sondai-aq, mındettı zeinetaqy jarnalary tölengen kezeŋder qosylady.
Būǧan deiın ministrlık zeinetaqy jüiesınıŋ qoldanystaǧy ülgısın 2030 jylǧa deiın jaŋǧyrtu boiynşa äzırlengen tüzetuler turaly jariialady.
14 mausymda Eŋbek jäne halyqty äleumettık qorǧau ministrı Serık Şapkenov elımızde zeinet jasyn tömendetu josparlanbaitynyn habarlady.
”Adyrna” ūlttyq portaly
