Nur Otan partııasynyń saılaýaldy baǵdarlamasyn oryndaý jónindegi Jol kartasynyń júzege asyrylý barysy oblys ákimi Ońdasyn Orazalınniń tóraǵalyǵymen ótken partııanyń aımaqtyq fılıalynyń Saıası keńes Bıýrosy otyrysynda talqylandy. Jıynda jyl basynan beri 33 nysan ashylyp, eldiń áleýetin kóterýge múmkindik jasalǵany aıtyldy dep habarlaıdy "Adyrna" ulttyq portaly.
Otyrysqa Saıası keńes Bıýrosynyń jáne óńirlik qoǵamdyq keńes músheleri, oblystyq departament, basqarma basshylary, qala, aýdan ákimderi qatysty.
Kún tártibindegi máseleler boıynsha partııanyń Aqtóbe oblystyq fılıaly tóraǵasynyń birinshi orynbasary Erbol Danaǵulov pen oblystyq ekonomıka jáne bıýdjettik josparlaý basqarmasynyń basshysy Gúlqasıma Súıintaevanyń baıandamasy tyńdaldy.
Jalpy Aqtóbe oblysynda Jol kartasy aıasynda jyl basynan beri 488,1 myń sharshy metr turǵyn úı salynyp, 26 427 jańa jumys orny qurylǵan. Baǵdarlamaǵa sáıkes, óńirde 33 nysan ashyldy. Onyń ishinde 3 mektep, 4 balabaqsha 3 sport nysany, medıınalyq pýnkt pen ambýlatorııa, aýyldyq klýb bar. Sondaı-aq qurylys materıaldaryn óndirý zaýyty, sút óndirý fermasy jáne sút ónimderin óndirý ehy, mal bordaqylaý alańdary, kókónis saqtaý qoımasy men jylyjaı iske qosyldy. Tek Qandyaǵash qalasynyń ózinde birneshe nysan - gemodıalız ortalyǵy, jıhaz ehy, suıyq sabyn óndirý ehy, qurylys dúkeni, dárihana salynyp, paıdalanýǵa berildi. Búginge kúnge deıin Jol kartalarynyń 443 kórsetkishi júzege asqan.
— Jol kartalarynyń oryndalýyna Saılaýaldy baǵdarlamalardy júzege asyrý aıasynda qurylǵan Qoǵamdyq keńester óz septigin tıgizýde. Keńes músheleriniń barlyǵy Jol kartasyn iske asyrýdy uıymdastyrýǵa tartylyp, jumystaryn sapaly atqaryp keledi. Qazirgi tańda óńirlik keńesterdiń 37 otyrysy jáne aýmaqtyq keńesterdiń 288 otyrysy ótip, memlekettik mekemelerge 526 usynys berildi. Frakııa jáne keńes músheleri aýdandarǵa shyǵyp, "Jol kartasy" aıasyndaǵy nysandarǵa monıtorıng júrgizýde. Halyqqa bergen ýádemizdi sapaly iske asyrý qatań partııalyq baqylaýda, - dedi partııanyń oblystyq fılıaly tóraǵasynyń birinshi orynbasary Erbol Danaǵulov.
Saılaýaldy baǵdarlamadaǵy jumystar óte aýqymdy bolǵandyqtan qıyndyqtar men máseleler de kezdesýde. Jıynda bul týraly ashyq aıtyldy. Partııanyń Saılaýaldy baǵdarlamasyn júzege asyrýda kemshilikterge jol bergen Aqtóbe oblysynyń jolaýshylar kóligi jáne avtomobıl joldary basqarmasy basshysy Aıbek Qaıyrǵa, Aqtóbe oblysynyń veterınarııa basqarmasynyń basshysy Qusaıyn Sarsembaıǵa, Baıǵanın aýdanynyń ákimi Qaırat Otarovqa partııalyq sógis jarııalandy.
Oblys ákimi endi osyndaı qatelikterge jol bergen memlekettik qyzmetshilerge qatań tártiptik jaza qoldanylatynyn eskertti.
— Partııanyń bas jospary halyqqa qajetti naqty jobalardan quralǵan. Sondyqtan da biz ındıkatorlardy ýaqytynda sapaly oryndaý arqyly eldiń áleýetin kóterýge, árbir turǵynnyń ómir súrý sapasy men ál-aýqatynyń jaqsarýyna jumystanýymyz qajet. Bizdiń negizgi mindetimiz – saılaýaldy ýádelerdi oryndaý jáne saılaýshylardyń senimin aqtaý, –dedi Ońdasyn Orazalın.
Jıyndy qorytyndylaǵan oblys ákimi barlyq aýdan, qala ákimderi men basshylarǵa bul iske jaýapkershilikpen qaraýdy qatań tapsyrdy.
"Adyrna" ulttyq portaly.
