Taraz qalasynda "Qazirgi kezeńdegi etnosaralyq kelisim: tájirıbe men aldaǵy mindetter" atty halyqaralyq ǵylymı-praktıkalyq konferenııanyń eki kúndik jumysy bastaldy dep habarlaıdy "Adyrna" ulttyq portaly.
Konferenııanyń plenarlyq otyrysy Memleket Basshysy Qasym-Jomart Toqaevtyń quttyqtaý sózimen ashyldy. Qazaqstan Prezıdenti konferenııaǵa qatysýshylarǵa jemisti jumys tilep:
"Kóptegen memlekette etnosaralyq sıpattaǵy áleýmettik shıelenis órship barady. Sondyqtan, halyqaralyq qaýymdastyqtyń aldynda osy túıtkildi máseleni sheshýdiń tıimdi joldaryn izdeý, qoǵamdyq damýdyń jańa ınklıýzıvti modelin ázirleý mindetteri tur. Bul rette sarapshylar men kásibı zertteýshilerdiń ǵylymı ustanymnan aınymaı, belsendi jumys isteýi asa mańyzdy",- dedi.
Eki kún boıy Qazaqstan, Reseı, Ýkraına, Ózbekstan, Izraıl, Bolgarııa elderiniń etnosaralyq qatynastar, konflıktologııa jáne etnopsıhologııa salasyndaǵy sarapshylary etnosaralyq qatynastardy damytýdyń ózekti máselelerin talqylaıdy.
Sonymen qatar, konferenııa jumysyna QR Parlamenti Májilisiniń depýtattary, QR Prezıdenti Ákimshiliginiń, mınıstrlikterdiń, prokýratýra jáne sot organdarynyń, elimizdiń ǵylymı-zertteý ınstıtýttarynyń ókilderi qatysady.
Konferenııa jumysynyń birinshi kúni Jambyl oblysynyń ákimi Berdibek Saparbaev, Qazaqstan halqy Assambleıasy tóraǵasynyń orynbasary – Qazaqstan halqy Assambleıasy hatshylyǵynyń meńgerýshisi Marat Ázilhanov, Aqparat jáne qoǵamdyq damý vıe-mınıstri Bolat Tilepov, Ulttyq ekonomıka vıe-mınıstri Álibek Qýantyrov baıandama jasady.
Konferenııa jumysy tórt sekııa boıynsha ótedi:
-kópetnosty eldi mekenderdegi áleýmettik problemalardy sheshýdegi jergilikti atqarýshy organdar men azamattyq ınstıtýttardyń róli;
-shıelenister men narazylyq kóńil-kúılerdi aldyn alý jáne olardy eskertý;
-mýltımádenı ortadaǵy qaqtyǵystardyń aldyn alý isine ǵylymı-saraptamalyq áleýetti paıdalaný;
-qoǵamdyq kelisimdi nyǵaıtýdaǵy Qazaqstan halqy Assambleıasy men BAQ-tyń róli.
Konferenııanyń birinshi kúni sarapshylar qaqtyǵystar men narazylyq kóńil-kúılerdiń negizgi sebepteri, zamanaýı qoǵamdardaǵy etnogenezdiń jańa aspektileri, jergilikti deńgeıde etnosaralyq qatynastardy retteýdegi jergilikti atqarýshy organdardyń róli jáne álemdik tájirıbe jáne t.b. talqylanady. Qoǵamdyq kelisim salasyndaǵy memlekettik saıasatty iske asyrýda joǵary oqý oryndarynyń róli, ońtústik Qazaqstannyń etnıkalyq qurylymynyń damý erekshelikteri men keleshegi jeke qaraldy.
Konferenııanyń birinshi kúni sarapshylar qaqtyǵystar men narazylyq kóńil-kúılerdiń sebepterin, qazirgi qoǵamdardaǵy etnogenezdiń jańa aspektilerin, jergilikti atqarýshy jáne zań shyǵarýshy organdardyń rólin, etnosaralyq qatynastardy retteýdiń álemdik tájirıbesin jáne basqalardy talqylaıdy. JOO-lardyń Qoǵamdyq kelisim salasyndaǵy memlekettik saıasatty iske asyrýdaǵy qyzmeti, Ońtústik Qazaqstannyń etnıkalyq qurylymynyń erekshelikteri bólek qaraldy.
Is-sharany QR Aqparat jáne qoǵamdyq damý mınıstrligi, Jambyl oblysynyń ákimdigi, Qazaqstan halqy Assambleıasy jáne Qoldanbaly etnosaıası zertteýler ınstıtýty uıymdastyrdy.
"Adyrna" ulttyq portaly.
