Täuelsızdıktıŋ 30 jyldyǧyna orai Äl-Farabi audany äkımı Raşid Myŋbaev belsendı jastarmen kezdestı.
Jastar ortalyǧynda ötken basqosuda Nūr-Sūltan qalasy otbasy demografiiasy jäne äielder ısı jönındegı komissiia müşesı, käsıbi psiholog Limana Qoişieva, qaladaǧy jūmyspen qamtu ortalyǧy direktorynyŋ orynbasary Bekzat Tolybaev, daŋqty sportşy Nūrbolat Quandyqov jäne audannyŋ özge belsendı jastar qatysty.
Audan äkımı memleketımızde jastarǧa arnalǧan baǧdarlamalar men tyŋ jobalar jaily söz qozǧady.
–Elımızdıŋ bolaşaǧy özderıŋızsızder. Qazaqstannyŋ bolaşaqqa barar joly sızderdıŋ damu deŋgeilerıŋızge, ūmtylystaryŋyzǧa jäne qoǧamdyq ömırge aralasu därejesıne tıkelei bailanysty. Äl-Farabi audanynda halyq sany şamamen 207 myŋ adamdy qūrasa, onyŋ 43 459-y jastar (19,7%). Bügınde audanymyzda jastarmen bırlese «Taza qala», «BIZBIRGEMIZ: TAZAALEM» aksiialaryn ötkızdık. Alda talai jobalardy bırge qolǧa alamyz. Jaqsy ideialaryŋyz, tyŋ jobalaryŋyz bolsa menıŋ esıgım sızder üşın ärdaiym aşyq. Kez-kelgen uaqytta kezdesıp, jaŋa bastamalardy qoldauǧa daiynmyn,-dedı Raşid Mamytūly.Jiyn barysynda jasöspırımder arasynda erte jüktılık pen suisit, jūmyspen qamtu jäne jastardyŋ sport deŋgeiın damytu jaiynda talqylandy. Jastar özderı qyzyqtyrǧan sūraqtaryn qoiyp, tūşymdy jauap aldy.
