Bügın Densaulyq saqtau ministrı Aleksei Soi QR Prezidentı janyndaǧy Ortalyq kommunikasiialar qyzmetınde ötken brifingte söz söiledı, onyŋ barysynda jūrtşylyq pen BAQ-ty halyqty KVİ-ǧa qarsy vaksinasiialau jäne revaksinasiialau turaly habardar ettı, sondai-aq «Salauatty ūlt» Ūlttyq jobasynyŋ negızgı baǧyttaryn atap öttı, dep habarlaidy “Adyrna” ūlttyq portaly Densaulyq saqtau ministrlıgıne sılteme jasap.
Öz sözınde A. Soi Ministrlıktıŋ KVİ-ǧa qarsy vaksinalardy satyp alu boiynşa jürgızıp jatqan jūmysy, profilaktikalyq egulerdıŋ Ūlttyq küntızbesıne säikes halyqty vaksinamen basqarylatyn aurulardan josparly immundau turaly aityp berdı. Sondai-aq, azamattardyŋ KVİ-ǧa qarsy revaksinasiiasy boiynşa täsılder turaly habardar ettı.
«Memleket basşysynyŋ Joldauda aitylǧan sanitarlyq-epidemiologiialyq qyzmettı nyǧaitu jäne otandyq därı-därmek öndırısın damytu jönındegı tapsyrmalary «Salauatty ūlt» ärbır azamat üşın sapaly ärı qoljetımdı densaulyq saqtau» Ūlttyq jobasynda körınıs tapqanyn atap ötu qajet. Ūlttyq joba jalpyūlttyq basymdyqtar siiaqty elımızdıŋ strategiialyq qūjattaryn eskeredı: Qazaqstan Respublikasynyŋ 2025 jylǧa deiıngı ūlttyq damu jospary; Nur Otan partiiasynyŋ «Özgerıster joly: ärkımge laiyqty ömır!»,- dedı A.Soi.Densaulyq saqtau ministrlıgınıŋ basşysy Ūlttyq joba QR Densaulyq saqtaudy damytudyŋ memlekettık baǧdarlamasynyŋ qūqyqtyq mirasqory bolyp tabylatynyn jäne 2025 jylǧa deiın naqty, qol jetkızuge bolatyn mındetterdı qamtitynyn atap öttı. Sonymen qatar, ministrlık salanyŋ ūzaq merzımdı perspektivalary men operasiialyq qyzmetın körsetetın densaulyq saqtaudy damytu tūjyrymdamasyn äzırleude. Jalpy ūlttyq joba medisinalyq kömektıŋ qoljetımdılıgı men sapasyn arttyrudy; epidemiologiialyq boljau men den qoiudyŋ qazırgı zamanǧy jüiesın qalyptastyrudy; otandyq farmasevtika salasyn damytudy; salamatty ömır saltyn ūstanatyn halyqtyŋ ülesın ūlǧaitudy jäne būqaralyq sportty damytudy qamtityn 4 baǧyttan tūrady. Är baǧyt boiynşa mındetter men nätijeler körsetkışterı belgılengen. Ūlttyq jobany ıske asyru medisinalyq kömektıŋ qoljetımdılıgın arttyruǧa, jüktı äielderdıŋ densaulyǧyn saqtauǧa jäne balalardyŋ densaulyǧyn nyǧaituǧa, mümkındıkterı şekteulı balalardy oŋaltumen qamtuǧa, kadr äleuetın nyǧaituǧa yqpal etetın bolady. Sondai-aq, ūlttyq joba epidemiologiialyq qyzmettı jetıldıru, otandyq farmasevtikalyq önerkäsıptı damytu jäne salauatty ömır saltyn yntalandyru jönındegı şaralardy ıske asyruǧa baǧyttalǧan.
”Adyrna” ūlttyq portaly
