Aqparat jäne qoǧamdyq damu mintstrlıgınıŋ tıkelei qoldauymen jasalǧan «Qazaqstan» jäne «Habar» telearnalarynyŋ qazaqstandyq serialdary YouTube-te tanymaldylyqqa ie boluda dep habarlaidy "Adyrna" ūlttyq portaly.
Mäselen, qyrküiek aiynda «Habar» körermenderı arnany 14 million saǧattan astam uaqytty «tamaşalady». Bügıngı taŋda Agenttıktıŋ videohostingınde 8,5 million bıregei körermen bar.Youtube platformasynda 5,4 millionnan astam tırkeluşı (körermen) bar «Qazaqstan» telearnasynyŋ da nätijelerı öte jaqsy.
Aitalyq, «Qazaqstan» telearnasynyŋ 100 seriialy «Zamandastar» hikaiasy YouTube-te 17 millionnan astam qaralym jinady. Jalpy alǧanda, platformada serialdyŋ barlyq körınısterınıŋ ūzaqtyǧy 17045 saǧatqa jettı. Serialdy qazaqstandyqtar ǧana emes, Qyrǧyzstan, Resei, Moŋǧoliia, Qytai, Özbekstan jäne AQŞ körermenderı tamaşalady.
Serial el Täuelsızdıgınıŋ 30 jyldyǧy qarsaŋynda tüsırıldı. Onda qazaqstandyqtarǧa memlekettıŋ Egemendık alǧannan keiıngı oŋ özgerısterı turaly aitylady. Basty keiıpkerler bükıl elmen bırge tabys pen qiyndyqtardy bastan keşken ärtürlı ūrpaq ökılderı.
YouTube qoldanuşylary atalmyş serialǧa türlı pıkır bıldırerde: Qazaqstanda kinoindustriia qarqyndy damyp kele jatqanyn, al serialda rölge jaqsy üilesken şeber artister tüskenın atap ötken.
Būryn-soŋdy bolmaǧan premeralardyŋ mınsız mausymyn «Habar» telearnasy tanystyrdy. Körermen közaiymyna ainalǧan «Kelınjan-3» serialy rekordtyq qaralym sanyn jinap, YouTube videohostingı trendterıne kırdı.
Otbasylyq qūndylyqtardy därıpteitın süiıktı «Kelınjan-3» komediiasynyŋ jalǧasy barlyǧy 15 seriia boiynşa 26 millionnan astam qaralym jinady. Tıkelei körsetılım (transliasiia) barysynda serial YouTube trendterınıŋ alǧaşqy qatarlaryn tūraqty türde ūstap tūrdy. Qazaqstandyq otbasynyŋ ömırın älemnıŋ 50-ge juyq elı körıp otyrdy: serial otandyq körermen qatar Qyrǧyzstan, Resei, Özbekstandyq körşılerımız arasynda da ülken sūranysqa ie boldy. Sonymen qatar, AQŞ, Moŋǧoliia, Koreia Respublikasy, Türkiia, Ūlybritaniia jäne basqa da elderdıŋ körermenderı de «Kelınjan-3» janūiasymen bırge jylap, külıp otyrdy.
«Habar» telearnasyndaǧy osy küzdıŋ taǧy bır premerasy – «Rauza» telehikaiasy - YouTube-te 19 millionnan astam ret qaralǧan. 40 eldıŋ körermenderı süiıktı keiıpkerlerıne 5 million saǧat boiy janaşyrlyq tanytty, al būl 16 seriiany köru uaqytyn qūraidy.
«Habar» telearnasy jaŋa premeralarmen quantudy jalǧastyruda. Qazır körermender nazaryna qoryqşynyŋ moraldyq-adamgerşılık qūndylyqtary men qauıptı jūmysynyŋ qyr-syry turaly baiandaityn «Qaqpan» hikaiasy ūsynyldy.
Öz kezegınde YouTube qoldanuşylary köptegen oŋ pıkırler bıldırıp, özderınıŋ süiıktı serialdaryn jalǧastyrudy sūraidy.
Aita keteiık, QR Aqparat jäne qoǧamdyq damu ministrlıgınıŋ qoldauymen El Prezidentınıŋ aqparattyq kontenttı ideologiialyq tolyqtyru jönındegı özektı tapsyrmalary aiasynda otandyq telearnalar belsendı şaralar qabyldauda.
Atap aitqanda, aǧymdaǧy jyly tarihi baǧyttaǧy serialdyq önımderdı öndıru boiynşa jūmystar josparly türde jürgızılude, būl atalǧan taqyryptyŋ ülesın 30% - ǧa arttyruǧa mümkındık beredı.
"Adyrna" ūlttyq portaly.
