Ūzatu toiy jelını şulatqan atyraulyq Zaida Jaŋabaeva afrikalyq küieuımen qalai tanysyp, ne üşın tūrmysqa şyǧuǧa şeşım qabyldaǧanyn aitty, dep habarlaidy "Adyrna" ūlttyq portaly.
- Bızdıŋ qalai tanysqanymyz köpşılıktı qyzyqtyryp jatyr eken. Eger sızder oquǧa erınbeseŋızder, aityp bereiın. Vahtalyq ädıspen jūmys jasai jürıp (28 kün jūmys, 28 demalys) Atyraudaǧy oqu ortalyǧynda aǧylşyn tılınen sabaq berdım. Menıŋ sabaǧym 18:00-de aiaqtalady, al onyŋ sabaǧy 18:00-de bastalatyn. Men printerdıŋ janynda tūryp, köz qiyǧymmen onyŋ resepşnda kabinet kıltın kütıp tūrǧanyn baiqadym. Ol külımsırep «hellou» dedı, al men «hai» dep jauap berdım. Sosyn özımşe bolyp ketıp qaldym. Kelesı künı de ony kördım, osylaişa, bırneşe kün boiy jalǧasty. Bırde menedjerımız oqytuşylarǧa arnalǧan ortaq chat aşty. Sol kezde ol menıŋ jekeme jaza bastady. Men taǧy da özımşe bolyp, «sälem», «sau bol», «mmm», «ok» dep jürdım.Söitıp jürgende bälen jyl ötıp ketedı. Baiǧūs bala jazyp, jazyp qoidy.
- Koronavirus bastaldy. Men 14 kün oqşaulanudamyn. Tüsınıktı bolu üşın aita keteiın. Teŋızdegı oqşaulau kezınde bır bölmede, tört qabyrǧada jalǧyz otyrasyŋ. Saǧan bır minuttan asa esıkten şyǧuǧa, esıkten basyŋdy şyǧaruǧa da bolmaidy. Öitkenı, dälızdegı beinejazba arqyly bırden basşylyqqa hat ketedı. Ne ısterımdı bılmei, barlyq videolar men filmderdı körıp tastadym.Ol maǧan qaitadan jazyp, teŋızde aurudyŋ qaita örşıp jatqanyn aityp, özıŋdı kütıp jür dep jazdy. Keiın ol telefon soǧuǧa rūqsat alyp, taŋǧa deiın äŋgıme aitatynbyz. Ol sondai äzılqoi. Osylaişa, ekı ai boiy onlain aralastyq. Teŋızden kelgen soŋ da kezdesuge bırden kelısım bergen joqpyn. Ol myŋynşy ret kezdesuge şaqyryp, äiteuır, kelıstım. Kezdeskenımızge 7-8 ai tolǧan soŋ, ol maǧan qoly men jüregın ūsynyp, üilenuge ūsynys jasady», - dep jazdy Zaida.
"Adyrna" ūlttyq portaly
