Bügın Mäjılıstıŋ jalpy otyrysynda «Qazaqstan Respublikasynyŋ Ūlttyq qorynan 2022 – 2024 jyldarǧa arnalǧan kepıldendırılgen transfert turaly» zaŋ jobasy maqūldandy.
Talqylau barysynda Mäjılıs deputaty, «Aq jol» demokratiialyq partiiasynyŋ töraǧasy Azat Peruaşev Ūlttyq qordan alynatyn transfertter mäselesın köterdı.
– Ūsynylǧan üş jyldyq biudjette Ūlttyq qordan bölınetın transfertter somasyn kezeŋ-kezeŋımen tömendetu qarastyrylǧan (2 trln 950 mlrd teŋgeden 2 trln 400 mlrd teŋgege deiın). Alaida, biudjettıŋ jyl saiynǧy naqtylanuy kezınde būl soma ekı esege derlık ūlǧaiady (mäselen, 2021 jylǧa nysanaly transfert mölşerı 850 mlrd. teŋgege ūlǧaityldy, degenmen bastapqyda biudjette 1 trln. teŋge bekıtılgen). Būl rette, Esep komitetınıŋ tekserıs nätijelerı boiynşa 1 trln teŋge biudjet qarajatynyŋ tiımsız paidalanylǧany anyqtaldy, - dedı A. Peruaşev.
Deputattyŋ sözınşe, aǧymdaǧy jyldyŋ bırınşı jarty jyldyǧynda Ūlttyq qor şyǧystarynyŋ kölemı tüsımderden asyp tüsken.
–2022 jyly Ūlttyq qordyŋ jinaqtary JIÖ-nıŋ 30%-na, tömendemeitın şektı mölşerıne jaqyndaidy, al 2023-24 jyldary olar osy şekten de asyp ketuı mümkın dep boljanuda, - degen «Aq jol» partiiasynyŋ töraǧasy Ūlttyq qordan alynatyn qarjynyŋ tiımdı jūmsalyp, qataŋ baqylanuy kerektıgın aitty.
Sondai-aq ol memlekettık qaryz mäselesın de köterdı.– Memlekettık qaryz 2024 jylǧa qarai biudjet saiasaty tūjyrymdamasynda rūqsat etılgen JIÖ-nıŋ 27%-nyŋ ornyna şamamen 32% mölşerınde bolady kütıledı, - dedı deputat.
Onyŋ aituynşa, 2026 jylǧa qarai ükımettıŋ qaryzy 2020 jylǧa qaraǧanda 2 ese köp, iaǧni, 32 trln. teŋgege deiın jetedı dep kütılude.
Talqylau barysynda Mäjılıs deputaty otandyq biznestı qoldau mäselesın erekşe atap öttı.– Osyǧan bailanysty, «Aq jol» demokratiialyq partiiasy Ūlttyq qordyŋ qarajatyn basqarudy retteitın normativtık qūjattardy, sondai-aq memlekettık qaryzdy tartu jäne öteu tärtıbın qaita qarau qajet dep sanaidy, - dedı A. Peruaşev.
«Sauda ministrlıgıne eksportty ılgerıletuge bölıngen 742 mln teŋgenıŋ 223 mln teŋgesın «keŋes alu» qyzmetıne jūmsau josparlanuda. Ūlttyq ekonomika ministrlıgı MJÄ (GChP) jobalaryn konsultasiialyq süiemeldeuge jäne TEN-ge 1 mlrd teŋgeden astam qarajat jūmsaudy josparlap otyr, būl rette mūndai 6 joba bar. Taǧy 1,5 mlrd-ty osy ministrlık 10 zertteu jūmysy üşın tölegısı keledı, - dedı deputat.
Azat Peruaşev öz sözınde Ükımetten şyǧystardyŋ osy baptaryn qaita qaraudy jäne olardy öndırıske neǧūrlym özektı maqsattar men praktikalyq kömekke qaita böludı talap ettı.
«Adyrna» ūlttyq portaly
