«Qaz dauysty... bi» filmı almatylyq körermenderge jol tartpaq

14 jeltoqsanda QR Ūlttyq kıtaphanasynda «Qaz dauysty... bi» derektı filmınıŋ tūsaukeserı ötedı, dep jazady Qamshy.kz aqparat agenttıgı. Biyl Qazaq Ordasynyŋ kemeŋger biı, memleket jəne qoǧam qairatkerı Qaz dauysty Qazybek bidıŋ 350 jyldyq mereitoiy Qaraǧandy oblysynda atalyp öttı. Osyǧan orai Qaraǧandy oblysy äkımşılıgınıŋ bastamasymen QR Mädeniet jäne sport ministrlıgınıŋ tapsyrysy boiynşa Şäken Aimanov atyndaǧy «Qazaqfilm» kinostudiiasy qysqa merzımde «Qaz dauysty... bi» atty derektı film tüsırdı. Film rejisserlerı Ǧaziz Nasyrov pen änşı, önertanuşy Erlan Töleutai. Filmnıŋ tüsırılım barysy jaiynda Erlan Töleutai jazdy. Qazybek bidıŋ memleketşıl biık tūlǧasyn derektı film arqyly saralauǧa tyrysqan rejisserler üşın Qazybek bidıŋ ömırı men qyzmetın kino tılınde rekonstruksiialau oŋaiǧa soqpaǧan. Ol üşın Erlan Töleutai men Ǧaziz Nasyrov Qazybek bi jaily el auzyndaǧy aŋyzdar men Resei jäne Qytai mūraǧattarynda saqtalǧan jazba derekterdı jinaǧan. «Būl ərine oŋaiǧa soqqan joq. "Delika" jol talǧamaityn japonnyŋ kölıgımen 8 000 şaqyrymnan asa jol jürıp, bır şetı Pavlodar, Qaraǧandy bır şetı Oŋtüstık Qazaqstan oblysy, Qyzylorda oblysynyŋ şegıne deiın baryp qaittyq. Az uaqyttyŋ ışınde 20 saǧattai video material tüsırıp ülgerdık. Ərine, saparymyz qauıp-qatersız bolǧan joq dep aita almaimyz. Məselen, Qaz dauysty Qazybek bi 1764 jyly aqpan aiynda qaitys bolǧanda qys qaharly, qar qalyŋ bolǧandyqtan, jer aiaǧy keŋıgenşe dep balasy Bekbolat pen Edıge biler ūly bidıŋ məiıtın sörege saqtauǧa ūiǧarǧan. Osy qys aiynda bolǧan oqiǧany suretteu üşın Alataudyŋ bır asqar biıgı - 3800 metrlık "Molodejnyi" atalatyn biık şyŋyna şyǧyp, alty qanat üi tıktık. Öitkenı mezgıl tamyzdyŋ soŋy, Alatauǧa qar tüsıp ülgermegendıkten, osylai jannan bezıp, məŋgı mūzdyqtarǧa köterıluge mäjbür boldyq. Alataudyŋ qūlama jartasty, tüpsız şyŋyraularynan asyp ötkenımızdıŋ özı bır ǧajaiyp hikaia. Bərın jazyp otyruǧa uaqyt tapşy», - dep jazdy änşı. Filmnıŋ basty keiıpkerlerınıŋ bırı, beibıtşılık küreskerı, suretşı Kərıpbek Küiıkov Tüısırılım barysy qiynǧa soqqanymen qysqa merzımde tüsırılgen film Almaty körermenderıne jol tartpaq.

«Qamşy» sılteidı