«Nur-Sultan qalasynyń Jastar saıasaty máseleleri basqarmasy» MM qoldaýymen,Halyqaralyq «Qazaq tili» qoǵamy Nur-Sultan qalasy fılıalynyń uıymdastyrýymen «Internattan keıingi jetim balalar men ata-anasynyń qamqorlyǵynsyz qalǵan balalardy beıimdeý jáne qoldaýǵa arnalǵan is-sharalar kesheni» jobasy aıasynda, «Haliń qalaı, túlek?» baıqaýy aıasynda ashyq kúni ótti.
Qaı kezde de balalar úıiniń, ınternat túlekteriniń qoǵamǵa tez beıimdelip ketýi - kúrdeli másele. Sol úshin qoǵamnyń kún saıyn ózgeretin sharttaryna balalar úıi túlekteriniń áleýmettik beıimdelgendigin zerdeleý, taldaýlar jasaý - búgingi júrgizilip otyrǵan beıimdeý ádisteriniń ómirsheń ekendigin ne tıimsizdigin kórsetetin basty negiz bolyp tabylady. Osy oraıda, «Haliń qalaı, túlek?» atty baıqaýdyń maqsaty – balalar úıiniń túlekterin izdeý, baılanys ornatý arqyly olardyń qoǵamǵa, memleketke qajet ekendigin uǵyndyrý,ınternattan keıingi, balalar úıiniń túlekteriniń áleýmettik hal-jaǵdaıyna saraptama jasaý. Búgingi tańdaǵy jaǵdaıyn taldaý arqyly qajettilikterin, muń-muqtajyn bilý, balalar úıi túlekterine qoldaý kórsetý.
balalar úıi túlekteriniń ózekti máselelerine qoǵamnyń nazaryn aýdartý;
balalar úıi túlekterimen tyǵyz qarym-qatynas ornatýǵa baǵyttalǵan is-sharalardy qoldaý, yntalandyrý;
balalar úıi túlekterimen baılanys jasaý dástúrin únemi damytyp otyrý;
balalar úıi túlekterimen qarym-qatynas ornatý áleýmettik tájirıbesin qalyptastyrý.
Baıqaýǵa qatysýshylar Nur-Sultan qalasy ákimdiginiń "Kásiptik-tehnıkalyq kolledji" KMM, Nur-Sultan qalasy ákimdiginiń «Ómirlik qıyn jaǵdaıda júrgen balalardy qoldaý ortalyǵy» KMM, «SOS Astana balalar aýyly» jeke bilim berý mekemesi.
Baıqaý komıssııasy is-sharanyń uıymdastyrýshysy Halyqaralyq «Qazaq tili» qoǵamynyń Nur-Sultan qalasy fılıalymen bekitilgen.
I-kezeń. 2021 jyldyń 17 qyrkúıegimen 10 qazany aralyǵynda atalǵan baıqaýǵa qatysýshy mekemeler 2011-2021 jyldar aralyǵynda ózderiniń qabyrǵalarynan túlek bolyp shyqqan azamattar men azamatshalardy taýyp, baılanys ornatyp, túlekterdiń áleýmettik portretin anyqtaýǵa arnalǵan saýalnama júrgizýleri qajet. Alynǵan saýalnama baıqaýdyń ekinshi kezeńinde Baıqaý komıssııasyna tabystalady.
II-kezeń. 2021 jyldyń 11 qazany men 14 qazany aralyǵynda baıqaýǵa qatysýshy mekemeler balalar úıi túlekteri ishindegi kóshbasshylaryn qatystyra otyryp, ashyq esik kúnin ótkizýleri kerek.Ashyq esik kúnine baıqaý komıssııasyn shaqyrý mindetti bolyp tabylady.
III-kezeń.2021 jyldyń 15 qazany men 17 qazany aralyǵy.
- Baıqaý komıssııasynyń jumysy;
- Baıqaý qorytyndysyn jarııalaý;
- Jeńimpazdardy marapattaý.
Baıqaý qatysýshylary baıqaýdyń barlyq kezeńderinde keńestik qoldaý alaalady.
«Ashyq esik kúnin» baǵalaý krıterııleri:
- Mekemelerdiń baılanys ornata alǵan túlekteriniń sany (alynǵan saýalnama nátıjelerine saı esepteldi);
- Ótkizilgen ashyq esik kúni is-sharasynyń mazmundylyǵy (balalar úıiniń túlekterimen kezdesýge arnalǵan is-sharanyń joǵary deńgeıde uıymdastyrylýy, túlektermen jyly qarym-qatynas ornata alýy, joba aıasynda «Ashyq esik kúnine» baıqaý komıssııasy retinde kásipkerler, meenattar qatysatyndyqtan, túlekterdiń muqtajdyqtaryna, hal-ahýalyna nazar aýdartý).
