Memleket basşysynyŋ tapsyrmasy boiynşa memlekettık baǧdarlamalardan ūlttyq jobalar formatyna köşu jüzege asyryldy. «Bılımdı ūlt» sapaly bılım beru» ūlttyq jobasynda jedel şeşımderdı talap etetın jäne halyqtyŋ qajettılıgın qamtamasyz etuge baǧyttalǧan mäseleler boiynşa memlekettık baǧdarlamamen sabaqtastyq saqtalǧan, dep habarlaidy «Adyrna» tılşısı QR BǦM baspasöz qyzmetıne sılteme jasap.
Ūlttyq jobada balalardy mektepke deiıngı tärbiemen jäne oqytumen qamtu, qalalyq jäne auyldyq mektepter arasyndaǧy oqytu sapasyndaǧy alşaqtyqty azaitu, oquşy oryndarynyŋ tapşylyǧy problemalaryn şeşu üşın mektep salu, qauıpsız jäne jaily bılım beru ortasyn qūru jäne t. b. mäseleler jalǧasyn tapty.
Ūlttyq joba sapaly bılım aluǧa qoljetımdılıktı keŋeituge mümkındık beredı. Ūlttyq joba äzırleu barysynda qoǧam ökılderımen, bılım beru salasyndaǧy sarapşylarmen talqylanyp, barlyq müddelı memlekettık organmen pysyqtaldy.
Ūlttyq joba bes mındetten qūralǧan tört baǧyttan tūrady.
Bırınşı mındet – mektepke deiıngı tärbie men oqytudyŋ qoljetımdılıgı jäne sapasyn qamtamasyz etu. Osy mındettı oryndau üşın «aqşa balamen bırge jüredı» qaǧidaty boiynşa vaucherlık qarjylandyru jolymen memlekettık tapsyrysty ornalastyru arqyly mektepke deiıngı ūiymdar jelısın damytu jönındegı jūmys jalǧasatyn bolady. Nätijesınde 2025 jylǧa qarai 2 jastan 6 jasqa deiıngı balalardy mektepke deiıngı bılımmen qamtu 95%-ǧa, 3 jastan 6 jasqa deiın 100%-ǧa jetedı.
Būdan basqa, Memleket basşysynyŋ tapsyrmasy aiasynda barlyq mektepke deiıngı ūiymda bala damuynyŋ jaŋa modelı engızıletın bolady. «Oiyn arqyly oqytu» qaǧidaty negızınde memlekettık standart özgertıletın bolady.
«Bılımdı ūlt» sapaly bılım beru» ūlttyq jobasynyŋ ekınşı mındetı – orta bılım beru sapasyn arttyru. Atap aitqanda, öŋırler, qalalyq jäne auyldyq mektepter (PISA) arasyndaǧy oqytu sapasyndaǧy alşaqtyqty azaitu. Ūlttyq joba aiasynda oquşylardyŋ bılım sapasyndaǧy alşaqtyqty azaitu boiynşa keşendı şaralar qabyldanatyn bolady. Joba şeŋberınde 12 jyldyq oqytuǧa köşu josparlanyp otyr. Biyldan bastap qosymşa bılım beruge memlekettık tapsyrys ornalastyru josparlanuda. Būl prosess konkurstyq negızde jäne jeke ūiymdarda ötedı.
Üşınşı mındet – mektepterdı jaily, qauıpsız jäne zamanaui bılım beru ortasymen qamtamasyz etu. Oquşy oryndarynyŋ tapşylyǧyn qysqartu üşın 2025 jylǧa qarai 1000 mektep salu josparlanǧan. Nätijesınde üş auysymdy mektepter joiylyp, apatty mektepter ülesı 0,1%-ǧa deiın qysqartylady dep kütılude. 2025 jylǧa qarai şaǧyn qalalarda, audan ortalyqtarynda, auyldarda 5000 mektep modernizasiialanyp, balalardy oqytu üşın qauıpsız jäne qolaily jaǧdailar jasalatyn bolady.
Törtınşı mındet – qoljetımdı jäne sapaly tehnikalyq jäne käsıptık bılımmen qamtamasyz etu. 2025 jylǧa qarai jastardyŋ 100%-y qajettı mamandyqtar boiynşa tegın tehnikalyq jäne käsıptık bılımmen qamtamasyz etıletın bolady. Qamtudy ūlǧaitu nätijesınde NEET sanatyndaǧy jastar ülesınıŋ tömendeuı kütılude.
Besınşı mındet – qazaqstandyq joǧary oqu oryndarynyŋ bäsekege qabılettılıgın arttyru.
Ūlttyq joba şeŋberınde Nazarbaev Universitetınıŋ täjıribesı boiynşa 20 akademiialyq artyqşylyq ortalyǧy (15 öŋırlık jäne 5 pedagogikalyq JOO) jäne 2 ozyq JOO qūrylatyn bolady. Sonymen qatar 2025 jyldyŋ soŋyna deiın şeteldık joǧary oqu oryndarynyŋ 5 filialyn aşu josparlanuda, būl jastardyŋ elden ketuın qysqartuǧa mümkındık beredı.
«Adyrna» ūlttyq portaly
