Túrmede otyrǵan qazaqstandyq balasyna búıregin bergen

2623
Adyrna.kz Telegram

QAJ komıteti Medıınalyq qamtamasyz etý bóliminiń qyzmetkeri Gúljan Musabaeva penıtenıarlyq júıeniń tarıhynda alǵash ret oryn alǵan búırek jetispeýshiliginen transplantaııa jasalǵany týraly aıtyp berdi, dep habarlaıdy «Adyrna» tilshisi Polisia.kz-ke silteme jasap.

Ádilet maıory qylmystyq-atqarý júıesi organdaryndaǵy qyzmetin 2014 jyldan beri atqaryp keledi. Ol qyzmet barysynda sottalǵandardyń da, olardyń týystarynyń da kóptegen ótinishterin qaraǵanyn aıtady. Olardyń árqaısysy jeke-dara qaraýdy qajet etedi, onyń arasynda penıtenıarlyq júıege tán emes jaǵdaılar da kezdesip otyrady. 2018 jyldyń sáýir aıynda Komıtetke jazasyn ótep jatqandardyń biriniń jubaıynan ótinish kelip tústi. Ol óz hatynda shuǵyl túrde búırek transplantaııasyn qajet etetin tórt jasar ulyna donorlyq kómek kórsetýdi surady.

– Ishki organdardy transplantaııalaý, ıaǵnı bul jaǵdaıda búırek transplantaııasy naýqas adamnyń aǵzasymen úılesetin deni saý donordyń bolýyn bildiredi. Kóbinese bıologııalyq ata-analardyń ózderi donor bolyp tabylady, óıtkeni eresek adam úshin de, bala úshin de tirshilik áreketin qoldaý úshin kem degende bir búırektiń bolýy jetkilikti, – deıdi Gúljan Musabaeva.

Ol ýaqytta balanyń týǵan ákesi Shyǵys Qazaqstan oblysy boıynsha QAJ departamentine qarasty ortasha qaýipsiz mekemede jazasyn ótep jatty.

– Balanyń aýyr halin eskere otyryp, biz dereý sottalǵandy tıisti saraptamalardan ótkizýge kiristik. Bul jumysqa bizge Ana men bala ulttyq ǵylymı ortalyǵy kómektesti, onda mamandardyń baqylaýymen jas paıent bizdi kútti, – dep qosty maıor.

Sottalǵandy elordaǵa jetkizý jazasyn ótep jatqan mekemeniń jáne QAJ komıteti qyzmetkerleriniń kómegimen júzege asyryldy. Delegaııa quramyna Gúljan Musabaeva da kirdi, ol aıdaýyldaýdy basqardy, Ana men bala UǴO dárigerlerimen jáne balanyń anasymen baılanysta boldy.

– Negizgi dıagnostıkalyq is-sharalar sottalǵannyń aǵzasynyń odan ári transplantaııalaýǵa úılesimdiligi men jaramdylyǵyn kórsetti. Ota sátti ótip, paıentterdiń jaǵdaıy kóp uzamaı qalypqa keldi. Sottalǵan jazasyn odan ári óteý úshin kolonııaǵa qaıta jetkizildi, – dep qorytyndylady Musabaeva.

Bir búıregin balasyna bergen azamat bas bostandyǵynan aıyrý oryndarynan ótken jyly bosatyldy.

«Adyrna» ulttyq portaly

Pikirler