Bügın Qazaqstan Respublikasy Täuelsızdıgınıŋ 30 jyldyǧy aiasynda Germaniia Federativtık Respublikasynyŋ astanasy Berlin qalasynda, elımızdıŋ ūly aqyny, aǧartuşy, qazaq jazba ädebietınıŋ, qazaq ädebi tılınıŋ negızın qalauşy Abai Qūnanbaiūlyna arnalǧan eskertkıştıŋ resmi aşylu saltanaty öttı, dep habarlaidy «Adyrna» tılşısı Mädeniet jäne sport ministrlıgınıŋ baspasöz qyzmetıne sılteme jasap.
Eskertkıştıŋ aşylu räsımıne Mädeniet jäne sport ministrı Aqtoty Raiymqūlova men Qazaqstan Respublikasynyŋ Germaniiadaǧy Tötenşe jäne Ökılettı Elşısı Däuren Kärıpov qatysty.
Aqtoty Raiymqūlova Germaniia halqy men Ükımetıne elımızdıŋ Abaiǧa eskertkış ornatu jönındegı ūsynysyn qoldap, demeu körsetkenı üşın alǧys bıldırdı.
«Abai Qūnanbaiūly men Germaniia halqynyŋ ūly aqyny Gete poeziiasy arasynda taŋǧalarlyq ündestıktı baiqamau mümkın emes. Abai audarmasynyŋ arqasynda bız İogann Getenıŋ bırşama tuyndysymen etene tanystyq. Sonyŋ bırı, ärı bıregeiı hakım ana tılımızde söiletken «Qaraŋǧy tünde tau qalǧyp» öleŋı. Osylaişa, Abai ekı halyqtyŋ ädebietı men mädenietın bailanystyruşy berık köpırge ainaldy. Abai men Gete sekıldı adamzattyŋ asyl ūldaryn ardaqtau, olardyŋ mūrasyn, esımın asqaqtatu – sız ben bızdıŋ paryzymyz. Bügın mazmūndy meimandostyq dästürde ötıp jatqan ıs-şara joǧaryda aityp ötken ruhani bailanysty nyǧaita bererıne senımım mol»,-dedı Mädeniet jäne sport ministrı.
«Adyrna» ūlttyq portaly
