Qazaqstanda toǧyz bank taratylady. Būl turaly Qarjy naryǧyn retteu jäne damytu agenttıgı mälımdedı dep habarlaidy "Adyrna" ūlttyq portaly.
Agenttık lisenziialary kerı qaitaryp alynǧan bankterdı taratu öndırısınıŋ tärtıbı, prosesı jäne qazırgı jai-küiı turaly mälımet berdı.
"Qazırgı uaqytta 9 bank – Valiut-tranzit bank, Qazinvestbank, Delta Bank, Eksimbank Qazaqstan, Astana Bankı, Qazaq Banki, Tengri Bank, AsiaCredit Bank jäne Capital Bank Kazakhstan taratylu satysynda", - delıngen habarlamada.Bank qyzmetın toqtatu kezındegı negızgı maqsat – kreditorlardyŋ talaptaryn qanaǧattandyru, olarmen esep aiyrysudy qamtamasyz etu jäne banktıŋ barlyq operasiiasyn aiaqtau. Bank kreditorlarynyŋ talaptary bankter turaly zaŋda belgılengen kezekpen qanaǧattandyrylady:
- bırınşı kezekte, eŋbekaqy töleu men jeke tūlǧalar boiynşa talaptar qanaǧattandyrylady.
- ekınşı kezekte, jeke tūlǧalardyŋ depozitterı boiynşa kepıldık berılgen soma şegınde "Qazaqstannyŋ depozitterge kepıldık beru qory" AQ aldynda esep aiyrysu.
- üşınşı kezekte, bank mülkınıŋ kepılımen qamtamasyz etılgen mındettemeler boiynşa esep aiyrysu.
- törtınşı kezekte, ülestes tūlǧalar bolyp tabylmaityn jeke tūlǧalardyŋ QDKQ kepıldık berılgen somasynan asatyn depozitterı boiynşa, sondai-aq zeinetaqy aktivterınıŋ esebınen jüzege asyrylǧan depozitter boiynşa jäne "ömırdı saqtandyru" salasy boiynşa jüzege asyrylǧan saqtandyru ūiymdarynyŋ depozitterı boiynşa esep aiyrysuy.
- besınşı kezekte, kommersiialyq emes ūiymdardyŋ jekelegen sanattar (qaiyrymdylyq ūiymdary, soǧys ardagerlerı, mügedekter qoǧamdary) aldynda esep aiyrysuy.
- altynşy kezekte, ülestes emes zaŋdy tūlǧalardyŋ depozitterı boiynşa esep aiyrysu.
- jetınşı kezekte, salyqtar, alymdar jäne biudjetke tölenetın basqa da mındettı tölemder boiynşa esep aiyrysu, respublikalyq biudjet qarajaty jäne Ūlttyq qordyŋ qarajaty esebınen berılgen qaryzdar.
- segızınşı kezekte, qalǧan kezekterge kırmegen basqa kreditorlar aldynda esep aiyrysu.
- toǧyzynşy kezekte, ülestes jeke jäne zaŋdy tūlǧalardyŋ depozitterı boiynşa esep aiyrysu.
- onynşy kezekte, rettelgen boryş jäne merzımsız qarjy qūraldary boiynşa esep aiyrysu.
"Adyrna" ūlttyq portaly.
