Ózbekstannyń jańa úlgidegi tólqujaty qazaqstandyq ult týraly baıyrǵy pikirtalastyń qaıta týyndaýyna túrtki bolyp otyr. Onda ulty jazylatyn jerge Ózbekstan degen sóz jazylǵan, dep habarlaıdy "Adyrna" ulttyq portaly.
Álıhan Báımenov kezinde "qazaqstandyq ult" ıdeıasyna qarsy bolǵan azamattarǵa áleýmettik jeli arqyly óz renishin bildirdi.
- Pasporttaǵy " nationality” etnıkalyq ,nemese tektik emes, azamattyq uǵym ekenin biletin barlyq memleketter osylaı jazady. Etnıkalyq jazbanyń qalýyn sol memleketterdegi dıasporalar qoldaýy múmkin, biraq memleketke atyn bergen etnos ədette qoldamaıdy. Mysaly , Reseı pasportynda etnıkalyq tegi jazylýyn tatar, sheshen t.b. qoldaıdy da , Reseı atyn týyndatqan etnıkalyq top, ıaǵnı orystar, negizinen qoldamaıdy. Túrkııada da solaı. Eldiń ishki birtutastyǵyn qamtamasyz etýde Ɵzbekstan jasaǵan úlgi mańyzdy. Bir qyzyǵy," Qazaqstanda bir ǵana qazaq ulty bar" dep sɵıleıtin azamattar məseleniń tereńine úńilmegendikten bizde osyndaı sheshim qabyldaýǵa qarsy shyǵyp, toqtatyp tastady. Nətıjesinde , júz shúrshit bolsa ,olardy ɵzimiz mindettep, etnıkalyq tegin jazǵyzyp , esine salyp turatyn pasport qaldy bizde. Bir ult bolyp uıysý isinde basqa da qaptaǵan məselemen qatar bul da tusaý. " Keıde kɵzi ashyqtyń kɵkiregi oıaý bolmasa, keıde kɵkiregi oıaýdyń kɵzi ashyq bolmaıdy"dep dərister men kezdesýlerde aıtatynymnyń bir kɵrinisi. Sondyqtan da azamattyq - haqtyq aǵartý mańyzdy", - deıdi Álıhan Báımenov.
