Kökşetauda qalalyq köpbeiındı auruhanasynyŋ ūjymy emdeu mekemesınıŋ bas därıgerı Erlan Aiaǧanovtyŋ jūmystan bosatyluyna narazylyq bıldırıp, şu köterdı dep habarlaidy "Adyrna" ūlttyq portaly "aikyn.kz" basylymyna sılteme jasap.
Mekeme därıgerlerınıŋ aituynşa, soŋǧy 2-2,5 ai ışınde auruhanada tekserıster tym jiılep ketken. Densaulyq saqtau basqarmasynyŋ bas därıgerdı jūmystan şyǧaruǧa berılgen būiryǧyna qarsylyq bıldırgen 37 därıger öz erkımen jūmystan şyǧuǧa ötınış bergen.Auruhana ūjymy därıgerlerınen keşelı berı maza ketken. Basşylarynyŋ jūmystan şyǧaryluyna alaŋdaǧan därıgerler Aqmola oblysynyŋ Densaulyq saqtau basqarmasynan tüsınıkteme beruın talap etken. Bıraq basqarma basşylyǧy ūjymǧa tüsındırmesten basşyny jūmystan şyǧaruǧa būiryq berıptı. "Keşe şamamen ekıler şamasynda bas därıgerımız Erlan Aiaǧanovty Eŋbek kodeksınıŋ 52-babynyŋ 1-tarmaǧynyŋ 10-tarmaqşasyna säikes jūmystan bosatu turaly būiryq tüstı. Jūmysyn tiıstı türde oryndamaǧany üşın delıngen. Negızı, Densaulyq saqtau basqarmasy auruhana basşysyn jūmystan taidyru üşın onyŋ soŋynan şam alyp tüsken siiaqty. Öitkenı soŋǧy ekı ai boiy bırneşe märte, tıptı künbe-kün tekserıs bolyp kettı. Olar bır syltau ızdeuge kırıstı. Basşymyz osy lauazymǧa kırgenıne alty ai ǧana ötse de ūjymda tärtıp ornatyp, jūmysty bır ızge sala bıldı. Barlyǧy oǧan senım artyp, jūmysqa belsendılık artty. Bız ony jūmystan bosatpaudy talap etıp otyrmyz", – deidı Kökşetau qalalyq auruhanasynyŋ därıgerı Natalia Siniskaia.
Därıgerlerdıŋ aituynşa, bas därıgerdıŋ baqylauyna qalalyq auruhana ūjymymen qosa infeksiialyq auruhana da qaraidy. Ūjymǧa respublikalyq biudjetten bölınetın qyrküiek aiynda berıluı tiıs üstemeaqylary da tüspei qalǧan. Al qazan aiyna älı jalaqy tüspegen, sondai-aq üstemeaqysyz qalu qaupı bar."Bız qazır bas därıger bolmaǧan soŋ qūjattarymyzǧa da qol qoia almai otyrmyz. Ūjymnyŋ bırauyzdan şeşımımen 37 därıger öz erkımen jūmystan bosatuǧa Densaulyq saqtau basqarmasyna aryz berdı. Qazır ony basqarmaǧa baryp bekıtemız. Taǧy bır tüsınıksız jaǧdai, keşe keşkısın altylar şamasynda basqarmadan kelgen adamdar bas därıgerden jūmystan öz erkımen bosatu turaly aryz jazdyryp alǧan. Al onda bas därıger 25 qazan künı jūmystan bosatu turaly aryzdanǧan. Iаǧni, üş kün būryn jūmystan bosatylǧan adam qaita qalai aryz jazady? Būl jerde ony aryz jazuǧa mäjbürlep qinaǧany anyq körınıp tūr", – dep tolyqtyrdy Natalia Stanislavovna.
Ūjym därıgerlerı auruhanada därıgerler jūmystan ketken jaǧdaida mekeme därıgersız qalatynyn aitady. Öitkenı, qazırdıŋ özınde mekemede medisina qyzmetkerlerınıŋ tapşylyǧy aiqyn sezıledı. Därıgerler 3 täulık boiy jūmys ısteitın jaǧdailar jiı bolǧan. Al mūndai jūmysqa basşylaryna sengendıkten tüskenderın aitady.Al oblystyq densaulyq saqtau basqarmasy qazırgı uaqytta bas därıgerge qatysty sotqa deiıngı tergeu jürgızılıp jatqanyn aitty. "Qazır Kökşetau qalalyq köpbeiındı auruhananyŋ lauazymdy tūlǧalaryna qatysty sotqa deiıngı tergeu amaldary jürıp jatyr. Qylmystyq kodekstıŋ 201-babyna jäne 407-babyna säikes sotqa deiıngı tergeu mälımetterı jariialauǧa jatpaidy. Medisinalyq ūiymnyŋ bırınşı basşysymen Qazaqstan Respublikasy Eŋbek kodeksınıŋ 56-babynyŋ 2-tarmaǧyna säikes (jūmysşynyŋ bastamasymen ekbek kelısımşartyn būzu) eŋbek qatynasy 25 qazannan bastap būzyldy", – deidı Aqmola oblysy Densaulyq saqtau basqarmasynyŋ baspasöz qyzmetı.
"Adyrna" ūlttyq portaly.
