Elbasy, Partiia Liderı Nūrsūltan Nazarbaevtyŋ töraǧalyǧymen ötetın Saiasi keŋestıŋ keŋeitılgen otyrysy qarsaŋynda elımızdıŋ barlyq öŋırlerınde saiasi keŋester biurosynda filial basşylary – äkımderdıŋ qatysuymen «Nur Otan»-nyŋ 217 sailaualdy baǧdarlamasyn jüzege asyrudyŋ aralyq qorytyndylary qaraldy.
Partiianyŋ baspasöz qyzmetınde atap ötkendei, Memleket basşysy Qasym-Jomart Toqaev jariia etken «Özgerıster joly: Är azamatqa laiyqty ömır!» respublikalyq sailaualdy baǧdarlamanyŋ 24,8% oryndalyp ülgerdı. 9 aida öŋırlerde 10,4 mln şarşy metr tūrǧyn üi paidalanuǧa berılıp, 165 mektep salyndy, 259 myŋnan astam tūraqty jūmys orny aşyldy.
Nūr-Sūltan qalasynda jyl basynan berı 115 köşe jöndelıp, 4885 üi gazben jabdyqtau jüiesıne qosyldy. Almatyda 72 jeke menşık balabaqşa aşylyp, 9 mektepke qosymşa korpustardyŋ qūrylysy aiaqtaldy. Şymkentte 5 medisinalyq mekeme men 115 sport alaŋy salyndy.
Aqmola oblysynda biyl 48 et jäne 10 süt-tauar fermasy ıske qosyldy. Aqtöbe oblysynda partiianyŋ sailaualdy baǧdarlamasy aiasynda 488 myŋ şarşy metr tūrǧyn üi paidalanuǧa berıldı. Almaty oblysynda 12 mektep jäne 135 balabaqşa aşyldy. Atyrau oblysynda 6 mektepte inkliuziiany qoldau kabinetterı aşyldy.
Şyǧys Qazaqstan oblysynyŋ Semei qalasynda Iаdrolyq medisina ortalyǧy paidalanuǧa berıldı. Al Öskemende oblystyq onkologiia jäne hirurgiia ortalyǧyndaǧy operasiialyq blokty jaŋǧyrtu jūmystary aiaqtaldy.
Jambyl oblysynda erekşe qajettılıkterı bar azamattar üşın kedergısız orta qūru maqsatynda qaladaǧy 255 nysan tolyǧymen beiımdeldı. Batys Qazaqstan oblysyndaǧy Syrym audanynyŋ 6 auylynda sumen jabdyqtau nysandarynyŋ qūrylysy aiaqtaldy.
Qostanai oblysynda auyl şaruaşylyǧy tehnikasyn şyǧaratyn seh öz jūmysyn bastasa, būdan bölek medisinalyq jabdyqtar men oŋaltudyŋ tehnikalyq qūraldaryn öndıretın seh ta paidalanuǧa berıldı. Qaraǧandy oblysynda 1,4 myŋ şaqyrym jol jöndeldı. Qyzylorda oblysynda 363 şaqyrym gaz jelısı tartylyp, oǧan 38 myŋ halqy bar 3 eldı meken qosyldy.
Pavlodar oblysynyŋ agroönerkäsıptık keşenınde jalpy somasy 4,7 mlrd.teŋge bolatyn 8 joba sättı ıske asty. Maŋǧystau oblysynda 28 mektep salyndy jäne jöndeldı.
Soltüstık Qazaqstan oblysynda sailaualdy uädelerdı oryndau aiasynda 12 myŋǧa juyq tūraqty jaŋa jūmys orny aşyldy. Türkıstan oblysynda jyl soŋyna deiın 717 eldı meken sapaly auyz suǧa qol jetkızıp, öŋırdıŋ taǧy 65 myŋ tūrǧyny tabiǧi gazben qamtamasyz etıledı.
Eske sala keteiık, Elbasy, Partiia Liderı Nūrsūltan Nazarbaevtyŋ tapsyrmasy boiynşa «Nur Otan» partiiasynyŋ sailaualdy uädelerın ıske asyrudy jüielı baqylaudy qamtamasyz etu üşın jauapty deputattar men basşylardy naqty bekıte otyryp, 217 jol kartasy ıske asyryluda. 12 myŋnan astam belsendı azamattyŋ qatysuymen 1,7 myŋnan astam qoǧamdyq keŋesten tūratyn öŋırlık jüie qūryldy.
«Adyrna» ūlttyq portaly
