Qaqaǧan aiazda qinalǧan Baian-Ölgiidegı qazaq otbasylaryna Fransiia qazaqtary kömır tüsırıp berıp, kiım-keşek taratty. Kömek alǧan otbasylar äleumettık jelıde alǧys jaudyryp jatyr, dep jazady centralasian.org portaly.
Moŋǧoliianyŋ Baian-Ölgii aimaǧynda şamamen 100 myŋǧa juyq qazaq otbasy tūrady. Qaŋtar aiynyŋ ortasynda qystyŋ qatty bolyp jatqanyn estıgen Fransiiadaǧy qazaq qoǧamy (AKFT) moŋǧoliialyq qazaq otbasylaryna kömır men özge de qajettı zattar aluy üşın aqşa jinap berıptı.
- Şamamen 40 tonnadai kömır aldyq. Odan bölek otyn, kiım-keşek, oquşy balalarǧa däpter, qalam, qaǧaz-qaryndaş aldyrdyq. Kömırı joq otbasylarǧa maşinamen tüsırıp berdık. Kömır almaǧandar otyn, kiım-keşek siiaqty zattar aldy. Mūnda kedei otbasylar köp, - deidı Baian-Ölgii tūrǧyny Däkei Byqiūly.Onyŋ aituynşa, biyl qys qatty bolǧandyqtan aimaqtaǧy köp otbasy kömır tüsıretın aqşalary bolmai, qinalyp qalǧan. Fransiia qazaqtary jıbergen kömek qystyŋ közı qyrauda säl de bolsa demeu bolǧan. Fransiiadaǧy qazaqtar qoǧamynyŋ deregınşe, qazır Fransiiada 250-dei qazaq otbasy tūrady. Olardyŋ 175-ı qoǧamǧa müşe. Parijden alystau jerlerde tūratyndary qoǧamǧa älı tırkelmegen.
Biyl Moŋǧoliiamen qatar Qazaqstanda da qaŋtar aiynda kün qatty suyp, şyŋyltyr aiaz kezınde bırneşe qalada mektepter jabylyp, kömır men gaz tapşylyǧy baiqalǧan.
