Ūlttyq ekonomika ministrlıgı ūsynǧan «Nur Otan»-nyŋ sailaualdy baǧdarlamasyn oryndau şaralary partiia janyndaǧy Ekonomikany damytu jäne käsıpkerlıktı qoldau jönındegı respublikalyq qoǧamdyq keŋestıŋ otyrysynda synǧa ūşyrady.
Atap aitqanda, ministrlık respublikalyq biudjetke tüsımdı molaitu üşın bırqatar salyqtyq jeŋıldıkterdı alyp tastaudy ūsyndy. Alaida keŋes töraǧasy, Mäjılıs deputaty Amanjan Jamalovtyŋ aituynşa, salyqtyq jeŋıldıkterdı alyp tastau baǧanyŋ kürt ösuıne jäne investisiialyq ahualdyŋ naşarlauyna äkeluı mümkın. Mūndai şaralardyŋ respublikalyq biudjet üşın paidasy mardymsyz.
«Ministrlıktıŋ baiandamalaryn tyŋdasaŋ, köp ıs atqarylyp jatqan sekıldı, bıraq auyz toltyryp aitarlyqtai dünie joq. Būl jeŋıldıkterdı ne üşın alyp tastau kerek ekenı tüsınıksız. Därılık zattar üşın qosymşa qūn salyǧy boiynşa būl jeŋıldıktıŋ ekonomikalyq äserı joq dep jatady. Bıraq qosymşa qūn salyǧy tauardyŋ baǧasyna kırmei me? Jeŋıldıkterdı alyp tastau därı-därmek baǧasynyŋ ösuıne äkeletını anyq», - dedı Amanjan Jamalov.Partiianyŋ sailaualdy uädelerı aiasynda QQS mölşerlemesın saralau qarastyrylǧan. Ūlttyq ekonomika vise-ministrı Azamat Ämrin habarlaǧandai, äleumettık maŋyzy bar tauarlarǧa QQS-nyŋ tömendetılgen mölşerlemesın engızu, osy salyq türınıŋ jalpy mölşerlemesınıŋ ösuıne alyp keledı. Alaida, Amanjan Jamalov būl mäselelerdı bır-bırımen bailanystyruǧa bolmaitynyn atap öttı.
«Ötken jyly Qazaqstanda äleumettık maŋyzy bar tauarlarǧa QQS 8%-ǧa tömendetılgen mölşerleme qoldanyldy. Osylaişa, baǧanyŋ ösuıne jol berılmedı. Qazır infliasiianyŋ ösuın eskersek, būl mäsele asa özektı. Nätijesıne kelsek, salyq jinalymy tıptı artty. Al naqty QQS tömendetılgen mölşerlemesınen bolǧan şyǧyndar, Ministrlıktıŋ baǧalauy boiynşa, bar bolǧany 9 mlrd. teŋgenı qūrady. Sondyqtan jalpy mölşerlemenı köteru boiynşa talap qoiudyŋ qajetı joq, sızderge ondai tapsyrma berılmegen», – dedı Keŋes töraǧasy Azamat Ämringe qaratyp.Öz kezegınde Qarjy vise-ministrı Baqtiiar Qojahmetov salyqtyq jäne kedendık äkımşılendırudı sifrlandyru boiynşa jürgızılıp jatqan jūmystar turaly baiandady.
«Ötken jyldan bastap onlain baqylau-kassa maşinalaryn (BKM) paidalanuǧa köşu jürgızıldı. Biyl «E-salyq-Business» mobildı qosymşasy arqyly pilottyq joba jüzege asyryluda. Barlyq jerde tauar ainalymyn baqylau üşın tauarǧa ılespe jükqūjat (TIJ) engızılude», – dedı Bahtiiar Qojahmetov.Būl rette, Keŋes töraǧasy 2015 jyldan berı elımızde 660 myŋnan astam qatysuşy tırkelgen elektrondyq şot-fakturalar jüiesı (EŞF) qarqyndy jūmys ısteitının eske saldy.
«Sız onlain baqylau-kassalyq maşina, elektrondyq şot-faktura, tauarǧa ılespe jükqūjat, virtualdy qoima jüielerı turaly auyz toltyra aittyŋyz. Bıraq käsıpkerlerden būl jüielerdıŋ jūmysyna qatysty ünemı şaǧym tüsedı. Öitkenı olar bır-bırınen köşıredı. Eger elektrondyq şot-fakturalar tauarlardy baqylaudyŋ negızı bolsa, onda sonyŋ negızınde jūmys jürgızıluı kerek. Jaŋa jüieler men pilottyq jobalar oilap tabudyŋ qajetı joq. Bizneske olardy paidalanu yŋǧaily boluy üşın jüielerdı oŋailatu qajet. Al qazır sızder tek käsıpkerlerdıŋ üreiın alyp jürsızder», - dedı Amanjan Jamalov.Otyrys qorytyndysy boiynşa Ūlttyq ekonomika ministrlıgıne ūsynylǧan salyq jeŋıldıkterınıŋ tızbesın qaita qarau, sondai-aq öndırıstık jäne äleumettık maŋyzy bar tauarlarǧa QQS mölşerlemelerın saralau boiynşa naqty ūsynystar engızu ūsynyldy. Qarjy ministrlıgıne qoldanystaǧy jüieler men pilottyq jobalardy jeŋıldetuge nazar audaru jäne basqa jüielermen qaitalanudy boldyrmau maqsatynda «Elektrondyq şot-fakturalar» aqparattyq jüiesı negızınde tauarlardyŋ qadaǧalanuyn qamtamasyz etu ūsynylady.
«Adyrna» ūlttyq portaly
