Almaty oblysy Panfilov audanyna qarasty Penjım auylynda mektep oquşylary arasynda bolǧan jappai töbeles äleumettık jelıge tarap kettı. Qazaq pen ūiǧyr ūlty arasynda jiı bolyp tūratyn "töbeles" neden şyqty? Oqiǧaǧa bailanysty resmi tūlǧalar jauap berdı dep habarlaidy "Adyrna" ūlttyq portaly.
Polisiia aqparatyna süiensek, 27 qazanda Panfilov audanyndaǧy ortalyq auruhanaǧa dene jaraqatymen 16 jastaǧy oquşy jetkızılgen. Tekserıs kezınde 9, 10, 11-synyp oquşylary arasynda eregıs bastalyp, 20 şaqty jas töbeleskenı anyqtaldy. Onyŋ ışınde ekı adam zardap şekken.Bas därıgerdıŋ orynbasary Erjan Qojahmetovtıŋ aituynşa, 2005 jyly tuǧan jasöspırım Panfilov audanaralyq köpsalaly auruhanaǧa tüsken. Ol midyŋ auyr jaraqatyn alǧan, oǧan ekınşı ne üşınşı därejelı travmatikalyq şok diagnozy qoiylǧan.
Osy oqiǧadan keiın Penjım auylyna jetken bır top bilık ökılı jergılıktı tūrǧyndarmen jinalys ötkızdı. Panfilov audanynyŋ äkımı Talǧat Ömıräliev bastaǧan äkım-qaralar jinalǧan jūrttyŋ pıkırın tyŋdap, basu aitu üşın ertıp kelgen qoǧam qairatkerlerı men aqyndarǧa da söz berıldı.T.Ömırälievtıŋ aituynşa, būdan astar ızdeudıŋ qajetı joq, būl – jai ǧana būzaqylyq äreket. "Rozybaqiev atyndaǧy mektepte balalar töbelesıp, bır bala jaraqat aldy. Ol balanyŋ jaǧdaiyn körıp şyqtym. Tünde ota jasalypty. Basyndaǧy gematomany alyp tastady. Būl jerde eşqandai ūlttyq mäsele joq. Oblys äkımınıŋ tapsyrmasymen arnaiy ştab qūryldy. Būl jaǧdaidyŋ boluyna ne alyp keldı? Bärın tekseremız. Auyldyŋ azamattaryn jinap, pıkırın bılıp jatyrmyz", – dedı ol.
Al auyl azamaty Autjan Hamraev eldı mekendegı barlyq ūlt ökılderı bügınge deiın tatu-tättı tūryp jatqanyn, aldaǧy uaqytta özara auyzbırşılıktı saqtauda bırlesıp eŋbek etıp, balalardy sabyrǧa, özara dostyqqa şaqyruǧa ündedı."Keşe bolǧan oqiǧany keibır adamdar basqa jaǧynan äleumettık jelıde körsetıp jatyr. Tıptı, kezdeisoq örttıŋ özı keşegı oqiǧanyŋ saldary siiaqty körsetıldı. Bıraq būl olai emes, mūny bärıŋız bılesızder. Jastar, bır-bırıŋdı qūrmetteŋder. Bız bır jerden, bır eldenmız. Bız — ülken otbasymyz", — dedı auyl tūrǧyny.
"Adyrna" ūlttyq portaly
