QR Qarjy ministrlıgı Qazaqstan men Resei şekarasynda tūryp qalǧan avtokölıkterge qatysty jaǧdaiǧa tüsınık berdı dep habarlaidy "Adyrna" ūlttyq portaly.
Keşe auyr jük kölıkterınıŋ jürgızuşılerı "Qairaq" keden beketınde ekı täulık kezekte tūrǧany habarlanǧan bolatyn.
Qarjy ministrlıgınıŋ baspasöz qyzmetınıŋ mälımetınşe, körşı elde engızılgen karantin şaralaryna bailanysty Resei jaǧynda avtokölıkter jinalyp qalǧan.
"Jük kölıkterınıŋ kezegı 30 qazanda Qazaqstan-Resei şekara uchaskesınde Resei jaǧyndaǧy "Bugristoe" aldynda paida boldy. Mūnyŋ sebebı - 2021 jyldyŋ 30 qazanynan bastap Resei prezidentınıŋ jarlyǧyna säikes engızılgen Resei Federasiiasyndaǧy karantin şaralary. Qazaqstan aumaǧynda keptelıs baiqalǧan joq", - delıngen vedomstvo habarlamasynda.
Jarlyqqa säikes Reseide 30 qazan men 7 qaraşa aralyǧy jūmys künı emes dep jariialandy, osyǧan bailanysty qazaqstandyq jäne reseilık tasymaldauşylar QR aumaǧyna bet alǧan.
Qarjy ministrlıgı ökılderı Resei tarapynan Qazaqstanǧa orta eseppen "Qairaq" AÖP arqyly kün saiyn 600-ge juyq avtokölık ötetının, būl rette 30 qazanda körsetkış 860-qa deiın kürt öskenın atap öttı.
"30 qazanda saǧat 16.00-degı jaǧdai boiynşa, Resei jaǧynda jaǧdai tūraqtandy", - dedı ministrlıktegıler.
"Adyrna" ūlttyq portaly.
