QR Qarjy mınıstrligi Qazaqstan men Reseı shekarasynda turyp qalǵan avtokólikterge qatysty jaǵdaıǵa túsinik berdi dep habarlaıdy "Adyrna" ulttyq portaly.
Keshe aýyr júk kólikteriniń júrgizýshileri "Qaıraq" keden beketinde eki táýlik kezekte turǵany habarlanǵan bolatyn.
Qarjy mınıstrliginiń baspasóz qyzmetiniń málimetinshe, kórshi elde engizilgen karantın sharalaryna baılanysty Reseı jaǵynda avtokólikter jınalyp qalǵan.
"Júk kólikteriniń kezegi 30 qazanda Qazaqstan-Reseı shekara ýchaskesinde Reseı jaǵyndaǵy "Býgrıstoe" aldynda paıda boldy. Munyń sebebi - 2021 jyldyń 30 qazanynan bastap Reseı prezıdentiniń jarlyǵyna sáıkes engizilgen Reseı Federaııasyndaǵy karantın sharalary. Qazaqstan aýmaǵynda keptelis baıqalǵan joq", - delingen vedomstvo habarlamasynda.
Jarlyqqa sáıkes Reseıde 30 qazan men 7 qarasha aralyǵy jumys kúni emes dep jarııalandy, osyǵan baılanysty qazaqstandyq jáne reseılik tasymaldaýshylar QR aýmaǵyna bet alǵan.
Qarjy mınıstrligi ókilderi Reseı tarapynan Qazaqstanǵa orta eseppen "Qaıraq" AÓP arqyly kún saıyn 600-ge jýyq avtokólik ótetinin, bul rette 30 qazanda kórsetkish 860-qa deıin kúrt óskenin atap ótti.
"30 qazanda saǵat 16.00-degi jaǵdaı boıynsha, Reseı jaǵynda jaǵdaı turaqtandy", - dedi mınıstrliktegiler.
"Adyrna" ulttyq portaly.
