Belgılı jazuşy, dramaturg, halyqaralyq "Alaş" ädebi syilyǧynyŋ iegerı, biyl mereilı 80 jasyn atap ötken Sofy Smataev qaraǧandylyq şendılerge ökpesın aityp, jazba qaldyrdy dep habarlaidy "Adyrna" ūlttyq portaly.
Jazuşy feisbuk jelısınde özınıŋ jerlesı, qaraǧandylyq qoǧam belsendısı Aitqoja Fazylǧa "arnap" jazba qaldyrdy.
"Mausymnyŋ basynda "Oblys bolyp qūrylǧaly orys bilep, jöit ilegen Qaraǧandyda qazaq ruhynyŋ iısı de qalmady. Sonyŋ nätijesınde oblysymnyŋ törelerınde nigilistık ūǧym barynşa qalyptasqan. Olarǧa qazaqtyŋ qaimaǧyn mazaq etu tük te emes te, basqa ūlttyŋ jaidaǧyn qūrmetteu märtebe bop körınedı...
Dälel me... Menıŋ 60, 70, 75 jyldyq mereitoilarym ne aulymda, ne audanymda, ne oblys ortalyǧynda bır de bır ret ötken joq. Osy biyl 80 jyldyǧymdy ūialǧandarynan ötkızetın şyǧar dep oblys äkımıne de, orynbasaryna da, audanymnyŋ äkımıne de bırneşe ret telefon soqsam da, bır de bıreuı trubkasyn köterıp "Äu! dep lebız tanytqan joq" degenımdı oqyp, Aitqoja Fazyl bauyrym, sız: "Ūltym dep ūrandaityn, elım dep emırenetın ülken jüregıŋızdıŋ keŋdıgımen kesektık tanytyp, oblys basşylaryna aiqailap atoi salǧansyz. Sonyŋ nätijesınde olardyŋ menı "qūşaq jaia qabyldauǧa daiyn otyr!" degen habaryŋyzǧa qanyp, paraqşamda sızge alǧys aityp, qūrmetımdı bıldırgenmın. Bıraq… Oqyrmandarymnyŋ: "Sız tek Qaraǧandynyŋ ǧana emes, bükıl Qazaqstannyŋ Sofy Smataevysyz!" degenıne azdap lepırıp jürsem de, osy orys tıldı, orys dıldı Qaraǧandymnyŋ menı nege şet qaqpailai beretının ūǧar emespın", — degen jazuşy Qaraǧandyny basqaryp otyrǧan basşylardyŋ nemqūrailylyq tanytqanyna ökpesın jetkızdı.
Jazuşynyŋ aituynşa, oǧan Qaraǧandy oblysynyŋ basşysy Jeŋıs Qasymbek habarlasyp, şyǧarmaşylyq keşın qyrküiek aiynda ötkızuge uäde bergen. Alaida oblys äkımınıŋ būl uädesı oryndalmapty. Odan bergıde oblys äkımınıŋ orynbasary, oblystyq mädeniet basqarmasynyŋ basşysy jazuşyǧa şyǧarmaşylyq keşınıŋ keiınge qalǧanyn jetkızgen. Endı "ūiymdastyruşylar" keştı jeltoqsan aiyna qaldyrǧanyn aitypty. Osylaişa qaraǧandylyq şendıler özderınıŋ ädebietke "joq" ekendıkterın, "qazaqtyŋ Sofysy" atanǧan tūlǧany syilamai otyrǧandaryn bıldırıp qoidy.
Būǧan jazuşy: "Aitqoja bauyr, "Qūşaqtaryn aiqara aşyp, sızdı quana tosyp otyr!" degen oblys basşylary "İt ittı jūmsaidy", "İt qūiryǧyn jūmsaidynyŋ" kebın keltırıp, tuǧan Qaraǧandyma aqyry tabanymdy tigızbeuge bel buǧan tärızdı-au", — dep aǧynan jaryldy.
Sonymen Sofy Smataevtyŋ keşı jeltoqsanda öte me, joq pa, ony uaqyt körsetedı. Alaida jerlesterıne renış bıldırgen jazuşynyŋ qazırgı köŋıl küiı alai-dülei. Al qaraǧandylyq şendılerden äzırge "habar" joq.
Qazır feisbuk jelısınde jazuşynyŋ oqyrmandary men syilas ını-qaryndastary Jeŋıs Qasymbek basqaryp otyrǧan äkımdıktıŋ būl "ısı" adamgerşılıkke jatpaitynyn, ekınşı jaǧynan, būl ädebiettı "mensınbeu" ekenın aityp, özara pıkırler qaldyruda.
"Adyrna" ūlttyq portaly.
