73 jasynda QR týrızm jáne sport eks-mınıstri, Astananyń eks-ákimi, QR Ulttyq Olımpıada komıtetiniń eks-prezıdenti Temirhan Myńaıdaruly Dosmuhambetov qaıtys boldy. Qaıǵyly habardy Akkredıtteý jáne reıtıngtiń táýelsiz agenttigi (ARTA) jarııalady, dep habarlaıdy "Adyrna" ulttyq portaly.
- Akkredıtteý jáne reıtıngtiń táýelsiz agenttigi ujymy Akkredıtteý jáne reıtıngtiń táýelsiz agenttiginiń baqylaý keńesiniń tóraǵasy Temirhan Myńaıdaruly Dosmuhambetovtiń mezgilsiz qaıtys bolýyna baılanysty qaıǵyryp kóńil aıtady, - delingen agenttiktiń Facebook-tegi habarlamasynda.
Temirhan Dosmuhambetov 1996 jyldyń aqpanynan 1997 jyldyń sáýirine deıin Jastar isi, týrızm jáne sport mınıstri bolyp jumys istedi.
1997 jylǵy 2 sáýirden 1997 jylǵy 14 qarashaǵa deıin QR Bilim berý jáne mádenıet mınıstrliginiń Týrızm jáne sport departamentiniń dırektory.
1997 jylǵy 14 qarashadan 1998 jylǵy qyrkúıekke deıin QR Bilim berý, mádenıet jáne densaýlyq saqtaý mınıstrliginiń Týrızm jáne sport komıtetiniń tóraǵasy.
1998 jylǵy qyrkúıekten 2003 jylǵy maýsymǵa deıin QR Prezıdentiniń is basqarýshysy qyzmetin atqardy.
2003 jyldyń maýsymynan 2004 jyldyń naýryzyna deıin Astana qalasynyń ákimi qyzmetin atqardy.
2004 jylǵy naýryzdan 2006 jylǵy naýryzǵa deıin QR Prezıdentiniń is basqarýshysy.
2006-2011 jyldary QR Týrızm jáne sport mınıstri qyzmetin atqarǵan.
2012-2015 jyldary - Májilis depýtaty.
Sonymen qatar, 2010-2015 jyldar aralyǵynda ol QR Ulttyq Olımpıada komıtetiniń prezıdenti, atqarý komıtetiniń múshesi boldy. Keıin «Baıserke-Agro» agroónerkásiptik holdıngin basqardy.
"Adyrna" ulttyq portaly
