Qazaqstandyq joǧary oqu oryndary şetelde qazaq tılın oqytu ortalyqtaryn aşyp jatyr, dep habarlaidy «Adyrna» tılşısı BǦM baspasöz qyzmetıne sılteme jasap.
Olar qazırdıŋ özınde Türkiia, İran, Polşa, Oŋtüstık Koreia, Belarus, Qytai jäne Özbekstan siiaqty elderde jūmys ısteidı. Şeteldık joǧary oqu oryndarymen yntymaqtastyq aiasynda osyndai tıl ortalyqtarynyŋ jūmys ısteuı şeteldık studentterdıŋ qazaq tılın oqyp, qazaq halqynyŋ mädenietı men tarihymen tanysuyna arnalǧan.
Mysaly, Belarus ūlttyq tehnikalyq universitetınde L. N. Gumilev atyndaǧy Euraziia Ūlttyq universitetı aşqan Abai atyndaǧy qazaq tılı, tarihy jäne mädenietı ortalyǧy jūmys ısteidı. Qazaqstandyqtar şeteldık studentterge qazaq tılın üiretıp, ūlttyq salt-dästürler turaly aityp beredı. Türlı baiqaular, festivaldar, körmeler jäne basqa da ıs-şaralar ötkızıledı. Sonymen qatar EŪU M. Tank atyndaǧy Belarus memlekettık pedagogikalyq universitetınde Belarus-Qazaqstan mädeni-bılım beru ortalyǧyn aşty.
«L.N. Gumilev atyndaǧy EŪU bazasynda Qazaq-Belarus ǧylymi-tehnikalyq yntymaqtastyq ortalyǧy jūmys ısteidı, onyŋ janynda «Belarus» Tıl jäne mädeniet ortalyǧy aşyldy. Ortalyqtar joǧary oqu oryndary arasyndaǧy Halyqaralyq ǧylymi jäne mädeni bailanystardy damytyp, Belarus pen Qazaqstan studentterı arasyndaǧy dostyqty nyǧaitady. Euraziia ūlttyq universitetı Qazaqstan Respublikasy men Belarus Respublikasy joǧary oqu oryndarynyŋ ǧylymi-bılım beru konsorsiumynyŋ qyzmetın üilestıretın basty ūiym bolyp tabylady», – dep atap öttı L. N.Gumilev atyndaǧy EŪU rektory, Basqarma töraǧasy Erlan Sydyqov.EŪU bastamasymen İrandaǧy Allame Tabatabai universitetınde İran-Qazaqstan mädeni-bılım beru ortalyǧy da aşyldy. Ortalyq bırlesken baǧdarlamalardy ılgerıletudı, bırlesken ǧylymi eŋbekter men zertteulerdı jariialaudy, joǧary oqu oryndary arasynda halyqaralyq ıs-şaralardy ötkızudı üilestıredı. EŪU-nıŋ osyndai mädeni-bılım beru ortalyqtary Qytaidyŋ oŋtüstık-batys universitetınde, Türkiianyŋ Nigde Omer Halisdemir universitetınde, Özbekstannyŋ Ferǧana memlekettık universitetınde jūmys ısteidı. Būdan basqa, EŪU Briussel qalasynda (Belgiia) internasionaldandyru jäne halyqaralyq yntymaqtastyqty damytu mäselelerı jönındegı resmi ökıldıgın aşty. Europalyq Odaqta L.N. Gumilev atyndaǧy EŪU kampusynyŋ aşyluy josparda bar. M. Äuezov atyndaǧy Oŋtüstık Qazaqstan universitetı Qytaidyŋ joǧary oqu oryndarymen serıktestık qarym-qatynas ornatu jäne damytu boiynşa belsendı jūmys jürgızude. QR-nyŋ QHR-daǧy Elşılıgınıŋ qoldauymen M. Äuezov atyndaǧy OQU Dalian şet tılder universitetınıŋ bazasynda Qazaqstandy zertteu ortalyǧyn aşty. Onda Äuezov universitetınıŋ oqytuşylary jūmys ısteidı. Olar niet bıldıruşılerge qazaq tılın üiretedı, olardy qazaqtyŋ salt-dästürlerımen tanystyrady. Atalǧan ortalyq Qazaqstan men Qytai studentterı jäne oqytuşylary arasyndaǧy bılım beru, ǧylymi bailanystardy keŋeitu boiynşa da ıs-şaralar ötkızedı. Qazaq tılı men mädenietı ortalyqtary Polşadaǧy Iаn Amos Komenskii universitetınde jäne Oŋtüstık Koreiadaǧy Kyungdong University-de jūmys ısteidı. Olar Semei qalasynyŋ Şäkärım atyndaǧy universitetınıŋ osy şeteldık joǧary oqu oryndarymen yntymaqtastyǧy aiasynda aşyldy. Q.Jūbanov atyndaǧy Aqtöbe öŋırlık universitetı Polşanyŋ Bydgoş qalasynda şeteldık ärıptes joǧary oqu oryndarynyŋ jäne Türkiianyŋ Kastamonu universitetınıŋ bazasynda «Qazaq eli» mädeni ortalyqtaryn aşty.
«Adyrna» ūlttyq portaly
