Memleket basşysy Nūrsūltan Nazarbaev Mäulen Äşımbaevtyŋ taǧaiyndaluyna qatysty pıkır bıldırdı, - dep habarlaidy Aqorda.
Elbasy "Nūr Otan" partiiasy töraǧasynyŋ jaŋa bırınşı orynbasary Mäulen Äşımbaevty tanystyryp, Mūhtar Qūl-Mūhammedke atqarǧan jūmysy üşın alǧys aitty. "Mūhtar Qūl-Mūhammed Qazaqstan Respublikasy Parlamentı Senatynyŋ deputaty bolyp taǧaiyndaluyna bailanysty partiia töraǧasynyŋ bırınşı orynbasary lauazymynan bosatylady. Osy jauapty qyzmettegı ülesıŋız ben sıŋırgen eŋbegıŋız üşın alǧys bıldıremın. Osyǧan orai partiia töraǧasynyŋ bırınşı orynbasary lauazymyna Mäulen Äşımbaevty taǧaiyndau turaly şeşım qabyldandy. Ol bes jyldan astam Parlament Mäjılısınıŋ deputaty bolyp, komitet basqardy. Men onyŋ partiia märtebesı men rölın arttyruǧa ülken üles qosatynyna senımdımın. Jūmystaryŋyzǧa sättılık tıleimın", - dedı Nūrsūltan Nazarbaev.
Elbasy "Nūr Otan" partiiasynyŋ aldynda tūrǧan qazırgı mındetterge erekşe nazar audardy.
"Nūr Otan" partiiasy memleket saiasatyn aiqyndaityn maŋyzdy saiasi küşke ainaldy. Partiia barlyq baǧdarlamalarymyzdy ıske asyruǧa atsalysyp keledı", - dedı Qazaqstan Prezidentı.
Memleket basşysy barlyq memlekettık jäne salalyq baǧdarlamalardyŋ sapaly jürgızılıp, olardyŋ ıske asyryluyna baqylaudy küşeitudıŋ maŋyzdy ekenın atap öttı. Nūrsūltan Nazarbaev ūlttyq ekonomikany törtınşı önerkäsıptık revoliusiia jaǧdaiyna beiımdeu qajettıgın aitty.
"Eger bız älemdık damudan qalyp qoimaimyz desek, onda alǧa ūmtyluymyz qajet. Sol sebeptı biylǧy Joldau osy reformalardy oryndauǧa baǧyttalǧan. Būǧan deiıngı barlyq baǧdarlamalarymyz osyǧan arnalǧan bolatyn. Mäsele olardyŋ qalai jūmys ısteuınde. Bız eksporttyq önım şyǧaratyn käsıporyndar qūruymyz qajet", - dedı Qazaqstan Prezidentı.
Nūrsūltan Nazarbaev "Nūrly jol" infraqūrylymdyq damu baǧdarlamasyn ıske asyrudyŋ özektılıgın atap öttı. Soŋynda Elbasy memlekettık baǧdarlamalardy äzırleu jäne ıske asyru ısındegı partiianyŋ belsendılıgın arttyrudyŋ maŋyzdylyǧyna nazar audardy. "Oblystarda partiia ūiymdary bar. Olar belgılengen mındetterdı ıske asyruda belsendı boluǧa tiıs", - dedı Qazaqstan Prezidentı.
tengrinews.kz
