Memleket basşysy IV Qytai halyqaralyq importtyq tauarlar körmesınıŋ aşylu räsımınde beineündeu jasady, dep habarlady «Adyrna» tılşısı Aqordaǧa sılteme jasap.
– Biyl bızdıŋ dostas halyqtarymyz öz tarihyndaǧy maŋyzdy beleske jettı. Qazaqstan Täuelsızdıgıne – 30 jyl. Qytai Kommunistık partiiasynyŋ qūrylǧanyna – 100 jyl. Sondai-aq, ekı aidan keiın taǧy bır aituly oqiǧany atap ötemız. Qazaqstan men Qytai arasynda diplomatiialyq qatynastardyŋ ornaǧanyna 30 jyl tolady. Bügın bızdıŋ jan-jaqty ärı mäŋgılık strategiialyq serıktestıgımız kemeldenıp, jaŋa kezeŋge qadam basty dep nyq senımmen aita alamyn. Qarqyndy damyp kele jatqan Qytai elı ärdaiym Aziiadaǧy eŋ basty jäne senımdı serıktesımız bolyp qala beredı, – dedı Qazaqstan Prezidentı.Memleket basşysy özara tiımdı ekıjaqty yntymaqtastyq keŋ-baitaq Euraziia qūrlyǧynda bırlese damuǧa jäne örkendeuge jol aşyp otyrǧanyna, sauda-ekonomikalyq qatynastar – yqpaldastyǧymyzdyŋ berık ırgetasy ekenıne toqtalyp, aldaǧy kezeŋde solai bola beretının atap öttı.
– Qiyndyqqa qaramastan, kürdelı 2020 jyldyŋ özınde ekıjaqty tauar ainalymy 5 paiyzǧa ösıp, 15 milliard dollardan asty. «Özgerıster jelı soqqanda, bıreuler qabyrǧa tūrǧyzady, endı bıreuler jel diırmen salady», – degen köne qytai naqyly bar. Pandemiiaǧa bailanysty Qazaqstan-Qytai şekarasyna engızılgen uaqytşa şekteu şaralary tezırek aiaqtalyp, alys-berıs qaitadan jandana tüsedı dep senemız, – dedı Qasym-Jomart Toqaev.Qazaqstan Prezidentı qūttyqtau sözınde sauda-sattyq ärdaiym örkendeudıŋ jäne halyqaralyq yntymaqtastyqtyŋ basty qozǧauşy küşı sanalatynyn, būl qaǧidat ǧasyrlar boiy Ūly Jıbek jolynyŋ boiynda ornalasqan bızdıŋ öŋır üşın de asa maŋyzdy ekenın aitty.
– Osy ejelgı sauda joly Töraǧa Si Szinpinnıŋ «Beldeuler men joldar» atty auqymdy bastamasynyŋ arqasynda qaita jaŋǧyrdy. Qazır jyl saiyn Qytaidan Europaǧa Qazaqstan aumaǧy arqyly 500 myŋnan astam konteiner tasymaldanady. Qūryq teŋız ailaǧy ıske qosylǧannan keiın «Lianiungan – Kars» tasymal dälızımen Qorǧastan Ystanbūlǧa jük jetkızu merzımı bes esege, iaǧni 60 künnen 13 künge deiın qysqardy. Bız Qorǧastan bölek, bırqatar körşıles eldermen jaŋa şekaraaralyq hab qūryp jatyrmyz, – dep atap öttı Memleket basşysy.
«Adyrna» ūlttyq portaly
