Almaly audandyq sotynda Mūhtar Äuezov atyndaǧy Qazaq memlekettık akademiialyq teatrynyŋ eks-direktory Erlan Bılälovtıŋ ısı boiynşa sot talqylauy jalǧasyp jatyr, dep habarlaidy Baq.kz aqparat agenttıgı QazAqparatsaityna sılteme jasap
Sot barysynda «Sezam» qorynyŋ direktory Qairat Baianov Erlan Bılälovke aqşany qalai bergenı turaly aityp berdı. «Sezam» direktory alǧaş ret sottaluşymen 2017 jyldyŋ qazanynda kezdesken. Sol kezdesu barysynda syiaqy kölemı turaly aitylǧan. Baianov Bılälovke 1,5 mln teŋge kölemınde aqşany bölıp-bölıp beruı tiıs bolǧan.
«Soma turaly söilespedık. Ol (Erlan Bılälov - avt.) 1,5 mln teŋgenı meŋzedı. Jaraidy, köreiık dedım», - dedı Baianov.Keiınırek Baianov tergeu oryndarymen bırge jūmys jasai bastaǧan. Alǧaşqy 600 myŋ teŋgenı Baianov konvertke salyp 3 qaŋtarǧa deiın bergen. Bıraq Bılälov aqşany tezırek beruın sūrap, qaita-qaita mazalaǧan. Qalǧan 900 myŋ teŋgenı Baianov 4 qaŋtarda beruı tiıs boldy. Kuäger Baianov 600 myŋ teŋgenı qaitaruǧa niettı ekenın aitty. Eske salaiyq, 5 qaŋtarda QR eŋbek sıŋırgen qairatkerı, akter, Mūhtar Äuezov atyndaǧy Qazaq memlekettık akademiialyq drama teatry basşysy Erlan Bılälov 1,5 million teŋge paramen ūstalǧany habarlanǧan bolatyn. Kınäsın tolyq moiyndauyna bailanysty Erlan Bılälov qamauǧa alynbady. Osydan keiın 9 qaŋtarda Äuezov teatry direktory mındetın atqaruşy taǧaiyndalǧan. Al 17 qaŋtarda Erlan Bılälovtıŋ ısı sotqa tüsken edı
baq.kz
