Türkımenstanda betperde rejimın būzǧan adamdar, sondai-aq tūrmystyq qyzmet pen aliment boiynşa qaryzy barlar maqta men qyzylşa teruge mäjbürlı türde jıberıledı. Odan bas tartqandardy poliseiler soqqyǧa jyǧady. Būl turaly «Azattyq» radiosynyŋ türkımen qyzmetı habarlady.
"Qazır Bereket jäne Serdar aimaǧyndaǧy betperdesız ūstalǧan azamattardy, sondai-aq elektr jaryǧy men gazǧa qaryzy bar, aliment boiynşa bereşegı bar azamattardy maqta men qyzylşa teruge mäjbürlep jıberedı. Poliseiler maqta men qyzylşa teruge mäjbürleu üşın olarǧa küş körsetıp, ūryp-soǧyp jatyr», - dep jazady basylym kuägerlerdıŋ bırınıŋ sözın.
Biylǧy mausymda tūrǧyndardyŋ aituynşa, egıs alqaptarynda maqta joqtyŋ qasy. Qazırgı uaqytta velaiatta jospardyŋ 21 paiyzy ǧana oryndalǧan. Balqan velaiatynda biyl maqta jinau mausymy 8 qyrküiekte bastaldy. Oǧan respublika boiynşa 1,25 million tonna maqtanyŋ 10 myŋ tonnasyn jinau mındetı jüktelgen.
Türkımenstanda mäjbürlı eŋbek maqta teru üşın ǧana emes, ony ösıru üşın de qoldanylady. Tamyz aiynda Azattyqtyŋ Türkımen qyzmetı Darǧanat aimaǧyndaǧy orta mektep mūǧalımderınıŋ maqta öŋdeuge jıberılgenın habarlaǧan edı. Halyqaralyq qūqyq qorǧau ūiymdary Türkımenstandy maqta öndırısınde mäjbürlı jäne balalar eŋbegın paidalandy dep synauda. Responsible Sourcing Network saitynyŋ habarlauynşa, 2021 jyldyŋ 10 tamyzyna deiın 138 jahandyq brend halyqaralyq nauqanǧa qosylyp, tauar öndırısınde türıkmen maqtasyn qoldanbau turaly kelısımge qol qoiǧan.
"Adyrna" ūlttyq portaly
