Älemdık ekonomikaǧa koronavirus pandemiiasynan kelgen şyǧyn 4 trillion dollardan 10 trillion dollarǧa deiın jettı. Būl turaly Resei Esep palatasynyŋ basşysy Aleksei Kudrin BRİKS elderınıŋ üşınşı halyqaralyq munisipaldyq forumyna qatysuşylarǧa arnaǧan beineündeuınde aitty dep habarlaidy "Adyrna" ūlttyq portaly "eadaily.com/ru" saityna sılteme jasap.
"Ärtürlı baǧalaular boiynşa pandemiiadan älemdık ekonomikanyŋ şyǧyny 4 trillion dollardan 10 trillion dollarǧa deiın jettı jäne būl şyǧyndardyŋ aitarlyqtai bölıgı oblystar men munisipalitetterdıŋ biudjetıne tüsedı", - dedı A. Kudrin.Onyŋ aituynşa, älem elderınıŋ densaulyq saqtau jüiesı pandemiiaǧa daiyn emestıgın körsettı.
"Densaulyq saqtau jäne äleumettık qoldau jüielerı jahandyq küizelısterge daiyn emestıgın körsettı. Bügıngı taŋda memlekettık organdar men barlyq deŋgeidegı baqylau-qadaǧalau organdarynyŋ mındetı – osy jüielerdıŋ tūraqty ärı tiımdı boluyna mümkındık beretın tetıkterdı äzırleu", - dedı A.Kudrin.Aita ketu kerek, būǧan deiın, naqtyraq aitqanda, 5 qazanda A.Kudrin Resei biudjetınıŋ üşten bır bölıgı mūnai-gaz salasynyŋ kırısterınen tūratynyn jäne aldaǧy 10-15 jylda būl shemadan bırtındep bas tartu kerektıgın aitqan bolatyn. Ol älemdık boljamdar boiynşa 2050 jylǧa qarai älemde kömırsutek közderın paidalanu ekı esege qysqaratynyn atap öttı. A.Kudrin mūny Resei üşın "synaq" dep atady.
"Adyrna" ūlttyq portaly
