Aqtau qalasynda 7 qaraşa künı jergılıktı uaqyt boiynşa saǧat 21.18 minutta 29 "A" şaǧyn audanyndaǧy "Şerqala" keşenınde ornalasqan ekı qabatty "Aianat" dämhanasy jaryldy, dep habarlaidy "Adyrna" ūlttyq portaly.
Maŋǧystau oblystyq äkımdıgıne qarasty qoǧamdyq kommunikasiia ortalyǧynyŋ habarlauynşa, qazır jarylys aumaǧynda 18 tehnika men 50-ge juyq qyzmetker jūmys ıstep jatyr.Jarylys bolǧan jerde qazır Aqtau qalalyq ört söndıru jäne avariialyq qūtqaru jūmystarynyŋ 7 tehnikasy men 22 qyzmetkerı, oblystyq polisiia departamentınen 11 tehnika men 25 qyzmetkerı jūmys ısteude.
"Maŋǧystau oblystyq tötenşe jaŋdailar departamentıne jergılıktı uaqyt boiynşa saǧat 21.18 minutta 29 "A" şaǧyn audanyndaǧy "Şerqala" keşenınde ornalasqan ekı qabatty dämhanada belgısız jaǧdaida jarylys bolǧany jönınde habarlama kelıp tüstı. Bırden oqiǧa ornyna arnaiy qyzmet ökılderı jettı. Qazır jarylystyŋ sebebı men bülıngen aumaq jäne şyǧyn kölemı anyqtaluda",-dedı Aqtau qalalyq tötenşe jaǧdailar basqarmasynyŋ bas mamany Maqsat Şapqatov.Aita ketu kerek, jarylys turaly aqparat aldymen äleumettık jelılerde tarap kettı. Äsırese instagram jelısınde fotolar men videolar tarap ülgergen. Tıptı aqtaulyq bloger Azamat Särsenbaev jarylys bolǧan aumaqty dronmen videoǧa tüsırgen. https://youtu.be/6VVVJ6LmXpY https://youtu.be/0o6Su1ae05g
"Adyrna" ūlttyq portaly.
