Aua raiynyŋ kürt suytuy men qūrǧaqşylyq Auǧanstandaǧy azyq-tülık daǧdarysyn ūlǧaita tüsude, dep eskerttı BŪŪ sarapşylary VVS-ge bergen sūhbatynda. Būl turaly "Adyrna" saity habarlaidy.
Düniejüzılık azyq-tülık baǧdarlamasynyŋ (WFP) atqaruşy direktory Devid Bisli 7 qaraşadaǧy Kabulǧa barǧan saparynan keiın: «Auǧandyqtardyŋ 95 paiyzy öz-özderın tamaqpen qamtamasyz ete almaidy jäne bız olardyŋ barlyǧynyŋ aştyqqa ūşyraǧanyn körıp otyrmyz», - dedı. Auǧanstandaǧy kelesı alty ai jer betındegı tozaqqa ainalady», - dedı.Düniejüzılık azyq-tülık baǧdarlamasynyŋ sarapşylary bırneşe ai boiy halyqaralyq qauymdastyqty Auǧanstanǧa kömek körsetudı qaita bastauǧa şaqyryp keledı. Taliban bilıktı basyp alǧanǧa deiın elge därı-därmek pen azyq-tülık jetkızılgen. Bıraq eskı rejimnıŋ qūlauymen bırge qoldau da joǧalyp kettı. Batys elderı qyzdardyŋ bılım aluyna tyiym salatyn jäne şariǧatty būzǧany üşın qataŋ jazalardy qalpyna keltıretın «Taliban» qozǧalysymen bailanysqysy kelmeidı, dep jazady VVS. Kabuldan 50 şaqyrym jerdegı Vardak provinsiiasynda bırneşe jüz adam ūn alamyz degen ümıtpen kezekke tūrdy. Būl BŪŪ-nyŋ Düniejüzılık azyq-tülık baǧdarlamasynyŋ kömegınıŋ qalǧan qūtqany edı. Kezekte tūrǧan auǧan qart: «Qys bastaldy dei berelık», - deidı. «Eger nan pısıretın eşteŋe bolmasa, men qaqaǧan qystan aqalai aman şyǧatynymdy bılmeimın» dedı ol. Auǧanstannyŋ ortalyǧyndaǧy Bamiian qalasynda üş pen 16 jas aralyǧyndaǧy jetı balasymen jalǧyz tūratyn jesır äiel Fatema da tamaqty qaidan alaryn bılmeidı. Küieuı qaterlı ısık auruynan qaitys boldy. Būryn Fatema körşı şaruanyŋ jerın aram şöpten jūlyp aqşa tabatyn. Bıraq qūrǧaqşylyq oǧan aqşa tabuǧa mümkındık bermedı. «Men qorqamyn, balalarymdy tamaqtandyratyn eşteŋem joq», - deidı Fatema. «Jaqynda menıŋ qaiyr sūrauyma tura keletın sekıldı». Keibır auǧandyqtar aqşa alu üşın qyzdaryn satyp jıberdı. Fatema būl oidan bas tartty. Devid Bisli halyqaralyq qauymdastyqty jazyqsyz adamdardyŋ ölımıne jol bermeuge şaqyrady:
«Bız jas balalardyŋ aştyqtan öluıne köz jūma qaraudamyz. Būl sūmdyq. Būl balalardyŋ qaida ekenı bızge maŋyzdy bolmauy tiıs, eŋ bastysy kömek».2021 jyldyŋ tamyzynda halyqaralyq koalisiia äskerlerı Auǧanstannan şyǧarylǧannan keiın Taliban sodyrlary eldegı bilıktı basyp aldy. Olar äielderdıŋ bılım aluyna tyiym salyp, köpşılık aldynda jazalaudy, sonyŋ ışınde ūrlyq jasaǧandar üşın aiaq-qolyn kesudı qaita bastady. Taliban rejimın älemnıŋ eşbır memleketı resmi türde moiyndaǧan joq.
"Adyrna" ūlttyq portaly
Ūqsas jaŋalyqtar
