QR Densaulyq saqtau ministrı Aleksei Soi Ükımet otyrysynda baiandama jasady. Ol eldegı sanitarlyq-epidemiologiialyq jaǧdai turaly habarlady. Būl turaly Densaulyq saqtau ministrlıgınıŋ baspasöz qyzmetı jazdy.
«Qazaqstanda soŋǧy ekı aida auruşaŋdyq 3,4 esege, al ölım-jıtım 4 esege tömendedı. Respublika boiynşa 1 tamyzdan bastap infeksiialyq tösekterdıŋ qamtylu deŋgeiı 56-dan 30%-ǧa deiın, reanimasiialyq tösekterdıŋ 45-ten 26%-ǧa deiın tömendegenı baiqalady. Rezervte 30 myŋnan astam tösek-oryn bar», - dedı ministr.Emdeudı jalǧastyruşylar sanynyŋ azaiuy boiynşa oŋ dinamika baiqalady, soŋǧy üş aida nauqastar sany 2,3 esege azaidy. Koronavirustyq infeksiianyŋ taralu qarqyny boiynşa «jasyl aimaqta» Şymkent qalasy, Aqtöbe, Atyrau, Almaty, Batys Qazaqstan, Türkıstan, Jambyl, Qyzylorda, Maŋǧystau jäne Şyǧys Qazaqstan oblystary, «sary aimaqta» - Nūr-Sūltan jäne Almaty qalalary, Aqmola jäne Qaraǧandy oblystary ornalasqan. «Qyzyl aimaqta» Qostanai, Pavlodar jäne Soltüstık Qazaqstan oblystary qalady. Bügıngı taŋda 8,5 mln adam bırınşı komponentpen, 7,7 mln adam ekınşı komponentpen egıldı. Balalardyŋ, jüktı jäne bala emızetın äielderdıŋ koronavirustyq infeksiiaǧa qarsy vaksinasiialauǧa qoljetımdılıgın qamtamasyz etu maqsatynda 4 mln 230 myŋ doza satyp alyndy, būl 2 mln 115 myŋ adamdy qamtuǧa mümkındık beredı.
«Vaksinasiialauǧa 12-17 jastaǧy balalar, jüktılıktıŋ 16-37 aptasyndaǧy jüktı äielder jäne bosanǧannan keiın 42 künnen keiın bala emızetın äielder jatady. 15 qaraşaǧa deiın Comirnaty Pfizer vaksinasynyŋ alǧaşqy partiiasyn 379 myŋ doza kölemınde jetkızu josparlanuda», - dep atap öttı Densaulyq saqtau ministrı.Aita ketu kerek, balalardyŋ KVİ-ge qarsy vaksinasiiasy bılım beru ūiymdarynda ata-analardyŋ nemese kämeletke tolmaǧandardyŋ, jasöspırımderdıŋ özge de zaŋdy ökılderınıŋ aqparattandyrylǧan kelısımınen keiın jüzege asyrylady. Būl rette revaksinasiia Qazaqstanda 22 qaraşada bastalady jäne 2 kezeŋde jürgızıledı. Osylaişa, aǧymdaǧy jyldyŋ soŋyna deiın alǧaşqy vaksinasiia merzımderın eskere otyryp, halyqtyŋ osal toptary revaksinasiiaǧa jatady dep josparlanuda. Būl medisinalyq-äleumettık mekemelerdıŋ, jabyq balalar mekemelerınıŋ medisina qyzmetkerlerı, pedagogtary, qyzmetkerlerı men kontingentı, küş qūrylymdarynyŋ qyzmetkerlerı. Belgılengen merzımderdı esepke almaǧanda, revaksinasiiaǧa 60 jastan asqan azamattar jäne öz betınşe zertteuden ötken jäne KVİ-ǧa qarsy antidenelerge terıs test nätijesı bar adamdar da jıberıledı.
«Säuır aiynda jappai alǧaşqy vaksinasiianyŋ bastaluyn eskere otyryp, alǧaşqy vaksinasiiany aiaqtaǧan barlyq azamattar vaksinasiianyŋ tolyq kursy aiaqtalǧannan keiın 6-9 aidan keiın 2022 jyldyŋ qaŋtarynan bastap revaksinasiiaǧa jatady. Osyǧan bailanysty ekınşı kezeŋde bastapqy vaksinasiiany aiaqtaǧan jäne revaksinasiia merzımı jetken qalǧan azamattar revaksinasiiaǧa jatady», - dep atap öttı Aleksei Soi.
«Adyrna» ūlttyq portaly
