Qazaqstanda jastarmen jumys jónindegi mamannyń quzyrettilik modeli ázirlendi

3027
Adyrna.kz Telegram

Jobanyń maqsaty – jastar resýrstyq ortalyqtary arqyly jastardyń ózin-ózi taný jáne qabiletterin damytý, óz ıdeıalaryn týǵan óńirinde júzege asyrýǵa múmkindikter jasaý.

Jobanyń negizgi mindetteriniń birin iske asyrý aıasynda el jastarymen jumys jónindegi mamannyń quzyrettilik modeli jáne jastar resýrstyq ortalyqtary qyzmetkerlerine qoıylatyn biliktilik talaptaryn aıqyndaıtyn normatıvtik quqyqtyq aktiniń jobasy ázirlendi.

Búginde elimizde 209 jastar resýrstyq ortalyǵy bar, olarda 2702 adam jumys isteıdi. Onyń ishinde 1790 adam (75 paıyzy) tikeleı jastarmen jumys júrgizedi.

Jobany ázirleý jastarmen jumys jasaýdaǵy ózekti máselelerdi sheshýge, sondaı-aq jastar jumysyn kásibılendirýge negizdelgen. Jańa joba — halyqaralyq jáne otandyq jumys tájirıbesin taldaý nátıjesiniń jemisi.

Osy quzyrettilik modeli negizinde jastarmen jumys jasaıtyn mamandarǵa arnalǵan arnaıy bilim berý baǵdarlamasy ázirlengen.

Bıylǵy jyldyń shilde aıynan bastap «Jastar jumysshylary qoǵamdastyǵy» qoǵamdyq birlestigi «Azamattyq bastamalardy qoldaý ortalyǵy» KEAQ men QR Bilim jáne ǵylym mınıstrliginiń jastar jáne otbasy isteri jónindegi komıtettiń qoldaýymen «Jastar resýrstyq ortalyqtarynyń qyzmetin jetildirý boıynsha sharalar keshenin qabyldaý» jobasyn júzege asyrýda.

 

«Adyrna» ulttyq portaly.

Pikirler