Jambyl oblysynda 9-synyp oqýshysy kórshisiniń úıinde tırdiń myltyǵyna atylyp óldi. Qaıǵyly jaǵdaı kezinde jasóspirim sol úıdiń ózinen bir jas kishi balasymen bolǵan, dep habarlaıdy “Adyrna” ulttyq portaly KTK telearnasyna silteme jasap.
Ekeýi qarýmen oınap otyrǵanda oq atylyp ketse kerek. Endi Baqdáýlet Balqarbaıdyń týystary myltyqty qaraýsyz qaldyrǵan aýyldastaryn jazaǵa tartýdy talap etip otyr.
Teskentoǵan aýylyndaǵy qaıǵyly jaǵdaı keshe kúndizgi saǵat bes shamasynda bolǵan. Aýyldasynyń úıine ketken Baqtáýlet Balqarbaıdyń basyna oq tıip ajal qushypty.
Búgin onyń denesi máıithanadan úıine jetkizildi. 14 jastaǵy marqumnyń jaqyndary qaıǵyly jaǵdaıdyń naqty qalaı bolǵanyn bilmeıdi.Tártip saqshylary onyń basyn tır oǵy tesip ótkenin aıtypty.
Jaraqaty aýyr balaqaıdy dárigerler ajaldan arashalap qala almaǵan. Al qaıǵyly oqıǵa bolǵan úıde Baqdáýlet ózinen bir synyp tómen oqıtyn dosymen júripti. Ekeýi pnevmatıkalyq qaýrdy ermek qylsa kerek. Sóıtip baıqaýsyzda shúrippesi basylyp ketip, bir túıir qorǵasyn Baqdáýlettiń basyn jarǵan.
Balǵyn Balqarbaı, Baqdáýlettiń ákpesi:
- Men jazalanýy kerek dep oılaımyn, nege balanyń ata-anasy qarýdy qaraýsyz qaldyrady, balaǵa ustatady. Bul – bir. Sodan keıin óziniń balasyn qorǵaý úshin bizge de aýyr. Baýyrymyz óz-ózine qol jumsaǵandaı bolyp qaldy. Sýııd jasady degenge keltirip tur ǵoı. Al qaıǵyly jaǵdaı bolǵan úı ıesi pnevmatıkalyq myltyqtyń qoljetimdi jerde turǵanyn jasyrmady. Ózi qarýdy kepter atý úshin qoldanǵan eken. Onymen balalar oınady degen jalǵan deıdi.
Jeksenbek Qashqynov, Teskentoǵan aýylynyń turǵyny:
- Qaıtys bolǵan balanyń áke-sheshesi de kórmegen. Biz de kórmedik. Ne bolǵanyn biz bilmeımiz. Qazir tergeý júrip jatyr, sot saraptamasy taǵaıyndalǵan. Sodan keıin beretin jaýapty beremiz. Basqa sózimiz joq, jaqsy.
Polıeılerdiń málimetinshe, eki bala aýlaǵa qus atý úshin qarý alyp shyqqan. Biraq myltyq Baqdáýlet ustaǵan kezde atylmaı qalyp, ol uńǵymasyna úńilgen. Sol sátte shúrippe basylyp ketken bolýy múmkin. Qazir bul istiń mán-jaıy jan-jaqty tergelip jatyr.
“Adyrna” ulttyq portaly
