Bügın Türkiianyŋ Stambūl qalasynda Türkiia jäne türkı elderınıŋ arasyndaǧy sauda jäne ekonomikalyq bailanystardy damytuǧa arnalǧan konferensiia bastaldy. Konferensiia Türkiia sauda ministrlıgı jäne DEIK syrtqy sauda qatynastaryn retteitın memlekettık mekemenıŋ ortaq ūiymdastyruymen ıske asuda.
Halyqaralyq konferensiiaǧa türkı elderınıŋ ministrlerı men ministrlık ökılderı qatysady. Basty taqyryp retınde pandemiiadan keiıngı sauda qatynasyn damytu men odan ary qarai jandardyru tūr. Pandemiiadan keiın ıske asuy tiıs ministrlıkter, memlekettık organdar jäne jeke käsıpkerlerdıŋ ärıptestıgın arttyratyn jäne sauda qatynastaryn damytatyn jaŋa jobalar tanystyrylady dep kütılude. Atalmyş şara türkı elderınıŋ täuelsızdıgınıŋ 30 jyldyǧyna orai ūiymdastyryluy da tegın emes.
11-qaraşanyŋ soŋyna deiın jalǧasatyn şaranyŋ erteŋgı türkı elderınıŋ basşylarynyŋ bas qosuyna deiın ötuı de tegın emes. Memleket basşylary da, onyŋ ışınde Qazaqstan men Türkiia özara sauda qatynastaryn arttyruǧa müddelı. Elbasy N.Nazarbaev pen Taiyp Erdoǧan arasyndaǧy sauda qatynasyn 5 mlrd dollarǧa, artynşa ony 10 mlrd dollarǧa köteru boiynşa kelısımder jasalǧan bolatyn. Kelısımder sättı ıske assa da, pandemiialyq şekteuler būl üderıstı bırşama tejedı. Alaida 2020 jyly Qazaqstan men Türkiia arasyndaǧy sauda qatynastary tırkeldı. Türkiia Qazaqstanǧa investisiia saluşy on eldıŋ bırıne jatady.
Konferensiiaǧa Qazaqstan tarapynan ministrler Baqyt Sūltanov pen Äset Yrǧaliev qatysady dep kütılude. Ol Türkiia tarapynan DEIK saitynda jariialanǧan resmi baǧdarlamada körsetılgen.
"Adyrna" ūlttyq portaly
