Premer-ministr Asqar Mamin Ükımet pen reseilık "Sber" arasyndaǧy memorandumdy qajettılık dep sanaidy. Būl turaly ol BAQ redaktorlarymen kezdesude mälımdedı, dep habarlaidy "Adyrna" ūlttyq portaly.
- Tek "Sber"platformasy bızge kodtardy aluǧa jäne aqparattyq qauıpsızdık organdarynda kodtardy saqtauǧa mümkındık beredı. Iаǧni, şyn mänınde, bız jeke derekterdıŋ qorǧaluyna kepıldık beremız. Qazaqstanda 400-ge juyq aqparattyq jüie bar, olardyŋ barlyǧy bır-bırımen naşar ärekettesetının aita ketu kerek. Derekterde aiyrmaşylyqtar bar jäne būl ärqaşan tiımdı bola bermeidı. Platforma arqyly bız būl mäselenı şeşe alamyz dep ümıttenemız. Jūmysqa jergılıktı qazaqstandyq IT sektory tartylatyn bolady. Sondyqtan, bızdıŋ azamattar sifrlyq egemendıktıŋ joǧaluy nemese jeke derekterdıŋ joiylyp ketuı turaly alaŋdamauy kerek. Būǧan ükımet jauapty, - dedı Mamin sūraqqa jauap bere otyryp.Ol ärı qarai sifrlyq transformasiia tūrǧysynan būl jai ǧana qajettılık ekenın atap öttı.
- Taǧy da aitamyn, Sifrlyq damu ministrlıgı kelıssözder jürgızude jäne bız eşkımde eşqandai sūraqtar tuyndamauy üşın bızdıŋ qoǧamdy habardar etetın bolamyz, – dep qosty Mamin.Eske sala keteiık, osy jyldyŋ qyrküiek aiynda Premer-ministr Asqar Mamin men "Sber" kompaniia tobynyŋ basşysy German Gref Qazaqstannyŋ sifrlyq transformasiiasy boiynşa jobalardy ıske asyru salasyndaǧy yntymaqtastyq turaly Memorandumǧa qol qoidy. Keiınırek äleumettık jelılerde Qazaqstan Ükımetınıŋ servisterın sifrlandyru üşın reseilık kompaniialar tobynyŋ tartyluyna bailanysty janjal tuyndaǧan bolatyn.
"Adyrna" ūlttyq portaly
