"YouTube" platformasynda "Säke" jobasy arqyly tanylǧan äkım obrazyn somdaityn akter, ssenarist Rüstem Omarov äkımderdıŋ jiyntyq obrazyn qalai jasaǧanyn aityp berdı, dep habarlaidy "Adyrna" ūlttyq portaly.
"Qyzyq Live" baǧdarlamasyna qonaq bolǧan öner iesı jobadaǧy qyzyqty ideialardyŋ ömırden alynǧanyn aşyq aitty.
Rüstem Omarovtyŋ aituynşa, ol eldegı äkımderdıŋ 70%-yna tän qasietterdı "Säke" internet-hikaiasyndaǧy äkımnıŋ obrazyna jinaqtaǧan. Onyŋ ışınde özı bıletın bırneşe şeneunıktıŋ mınez-qūlqy, ıs-äreketterı men adamdyq qasietterı de jobada tolyǧymen qamtylǧan.
- Naqty menıŋ obrazym - Almaty oblysyndaǧy audan äkımı. Qazır jūmys ısteitının älde ıstemeitının bılmeimın. Oqiǧa bylai boldy. Men ol kısınıŋ qabyldauyna keldım. Menı hatşy qyz qarsy aldy. Köp otyryp, küttım. Kabinetke kırsem, ol kısı menı täpışkemen qarsy aldy. Düisenbı künı bolatyn. Ol sonda kabinetınde üiı sekıldı täpışkemen jürdı. Men ol kısıge auyzsu mäselesımen kelgen edım. Bır auyldyŋ tūrǧyndary auyz sudy būlaqtan alyp, tūtynady eken. Al äkım sol būlaqtyŋ ornyna avtojuu qyzmetın aşyp qoiǧan. Söitıp, ol jerde kölıkterdı jua bastaǧan. Men baryp, "Aǧa, būlai bolmaidy ǧoi, adamdar būl jerden su alady", - dedım. Söitsem, ol kısı "Basqa jerde bar ǧoi būlaq" deidı. Qai jerde ekenın sūrasam: "10 kilometr jerde. Eşteŋe etpeidı, sol jaqtan alsa bolady", - dedı. Sol kezde-aq osy kısı turaly kino tüsıremın degen oi keldı. Menıŋ äkımımnıŋ 30 paiyzy sol kısıden alynǧan, - deidı Rüstem Omarov. https://youtu.be/z8TTX_y_rc8Sonymen bırge, ol taǧy bır äkımnıŋ beinesı ideiasyna arqau bolǧanyn atap öttı.
- Ülken konferensiia ma, älde qoǧamdyq keŋes pe ötıp jatqan edı. Jastar otyr. Bır kezde ol kısı "Şou jasau kerek, bırdeŋe ǧyp adamdardy taŋǧaldyru kerek", - deidı. Bärı ünsız. Kenet äkım "Taptym! Myŋ jylqy kerek jäne myŋ studenttı şaqyryp, soǧan otyrǧyzu kerek. Olardyŋ barlyǧynyŋ jüzı jaidary bolyp, külıp tūruy kerek. Köp jäne sary tüstı keudeşe kiiuı kerek. Sol kezde kenetten tu şyǧady", - deidı ol. Bır kezde, "Joq, myŋ emes, ekı myŋ jylqy boluy kerek!" dep oiyn taǧy özgerttı. Osy kısınıŋ obrazyn jäne taǧy bır öte dörekı äkımnıŋ beinesın aldym. Barlyǧy şynaiy. Al kömekşınıŋ obrazyn barlyq jerden köruge bolady. Barlyq kömekşıler osyndai, - dep tolyqtyrdy sözın Rüstem Omarov.Aita keteiık, "Säke" veb-serialy 2020 jyly jaryq kördı. Basty keiıpker - Saiat Samatūly esımdı audan äkımı. Serial memlekettık qyzmetkerdıŋ türlı ıs-äreketterı turaly. Joba oqyrmandar tarapynan qoldauǧa ie bolyp, "Säke" obrazy el arasynda keŋınen tanylyp ülgerdı.
"Adyrna" ūlttyq portaly
